Mäjılıs deputaty Mädi Ahmet özınıŋ Instagram-daǧy paraqşasynda qaŋtar aiynda bolǧan dürbeleŋ turaly pıkır bıldırdı. Ol jazbasynda köpşılıktı bırlıkke şaqyryp, beibıtşılık basty baqyt ekenın aitty, dep habarlaidy "Adyrna" ūlttyq portaly.
Osy oraida ol däl qazır jerge, ūltqa, partiiaǧa bölınıp, bır-bırımızdı aiyptaityn uaqyt emestıgın, bırlıgımızdı taǧy bır märte körsetetın taǧdyrşeştı kezeŋ ekenın atap öttı.
- Būl rette, bızdıŋ partiialastar, jastar qanaty är aimaqta ştab qūryp, mūqtajdarǧa, äskerilerge kömek körsetude. Tızbektei bersem, atqarylyp jatqan jūmys az emes. Künı keşe Mäjılıs qabyrǧasynda söz söilegen Prezidentımız jastarǧa erekşe nazar audardy. Atap aitsam, jūmyssyzdyqty azaitudy, jūmyspen qamtu baǧdarlamalaryn jetıldırudı, älemdık jaŋa oqu oryndaryn aşudy tapsyrdy. Öz kezegınde elımızdıŋ jastar saiasaty jüielı reformany qajet etetının partiia janyndaǧy jastar keŋesınıŋ är otyrysynda naqty ūsynystarmen däiektep köterıp keldık. Endı ıs jüzındegı özgerısterge köşuımız qajet. Elımız jaŋarar, sanamyz özgerer, bärı qalypqa qeler. Bastysy – eldıgımızdı saqtau jolynda arandatuşylyqqa jol bermei, eŋbek etu. El aman, jūrt tynyş bolsyn!, - dep jazdy Mädi Ahmet.
Posmotret etu publikasiiu v Instagram
