Arheolog Erlan Jaǧyparovty ölım aldynda aiausyz soqqyǧa jyǧyp, azaptaǧan - Inısı

- Bız ony mäiıthanadan alyp ketkende, onyŋ jürek tūsyna, ışıne oq tigenın anyqtadyq. Qoldary salbyrap, synyp ketken, süiekterı synǧan. Ölgenge deiın azaptaǧan, qinaǧan. Denesınde soqqy ızderı bar, - dedı Jaǧyparov baspasöz konferensiiasynda.

- 6 qaŋtar künı saǧat 19.30-da üiıne kelıp, kölıgın qoiyp, alaŋdy köruge ketken. Saǧat 19.52-de ol dosyna qoŋyrau şalyp, ony Ūlttyq ūlan sarbazdary ūstaǧanyn aityp ülgergen. Osydan keiın bailanys joǧalyp kettı, bız ony bes kün boiy taba almai, ony 11-künı keşkı mäiıthanadan taptyq. Mäiıthanada ol «qoly kısendelgen aziialyq ūlttyŋ belgısız adamy» dep jazylǧan. Üiden şyqqan kezde özımen bırge qūjattary boldy. Jaqyn jerde tūratyn, iaǧni onyŋ jergılıktı tūrǧyn ekenın jäne narazylyq bıldıruşılerge eş qatysy joq ekenın anyqtau oŋai. Erlan qoǧamdyq qyzmetke, volonterlık jūmysqa belsendı aralasty, erıktı boldy. Köptegen tarihi artefaktılerı bar ülken aumaqtardy qūtqarumen, Qazaqstan mädeni mūrasyn saqtaumen ainalysty. Iаǧni, ol belsendı azamat edı, mūnyŋ bärın bızdıŋ ūrpaqtarymyz üşın saqtauǧa tyrysty. Sondyqtan, men beibıt tūrǧyn qaitys boldy dep esepteimın, - dedı Jaǧyparov.

-  Bız osy aptada aǧamyzdyŋ öltıru faktısı boiynşa qūqyq qorǧau organdaryna habarlasudy josparlap otyrmyz. Bız barlyq instansiialarǧa şaǧym berıp, jügınetın bolamyz. Bızdıŋ mındetımız – obektivtı tergeu jürgızıp, barlyq qatysy barlardy, kınälılerdı anyqtau. Qandai da bır aqparatqa ie adamdar kınälılerdı jazalauǧa yqpal etsın dep halyqqa ündeu jasaimyz. Beibıt tūrǧyn qaitys boldy, men qylmyskerlerdıŋ anyqtap, jazalanǧanyn qalaimyn, - dedı ınısı Nūrlan Jaǧyparov.

"Adyrna" ūlttyq portaly