Şymkent qalasynyŋ äkımı Mūrat Äitenov Qaratau audany aumaǧyndaǧy eldı mekenderdı infraqūrylym jüielerımen qamtu jūmystarynyŋ barysyn tekserdı. Şahar basşysy aldymen «Tūran» şaǧynaudanyndaǧy atqarylǧan jūmystardy qadaǧalap, tūrǧyndarmen kezdestı.
Eldı mekenderdı injenerlık jelılermen qamtudyŋ Jol kartasy bekıtılgen. Qala şaǧynaudandary men tūrǧyn alaptarynda aiqyndalǧan özektı mäseleler osy mejege säikes kezeŋ-kezeŋımen şeşıletın bolady.
«Tūran» şaǧynaudanynda merdıger «StroyGazCompany» JŞS tarapynan 6,6 şaqyrym magistraldy gaz qūbyry tartyldy. 2-şı kezeŋ boiynşa magistraldyq jüieler qūrylysynyŋ jobalyq-smetalyq qūjattamasy daiyn. Memsaraptama korytyndysy alynyp, 2022 jylǧa memlekettık biudjetten qarjy bölıngen. 3-şı kezeŋ boiynşa jalpy «Tūran» şaǧynaudanyn abonetteu boiynşa JSQ daiyndaldy.
Elektr quatymen qamtamasyz etude «ABM Bilding» JŞS tarapynan magistraldy jüieler qūrylysy atqaryluda. Merdıger mekeme magistraldy jäne ışkı oramdyq jüieler qūrylysyn biyl qaraşa aiynda aiaqtaudy josparlauda. Jalpy 70 myŋ halyq sapaly gazben qamtylady.
Şaǧynaudanda 6,88 şaqyrym magistraldy suaqqy qūrylysy jäne bırınşı kezeŋ boiynşa ışkı oramdyq jüielerdıŋ qūrylysy aiaqtalǧan.
Sondai-aq, ötken jyly jaŋadan aşylǧan mektepke bır şaqyrym kırme joldar jasalǧan. Bekıtılgen ıs-şara josparyna säikes, 2023 jyly 3,4 şaqyrym (6 köşe), 2024 jyly 4,9 şaqyrym (6 köşe), 2025 jyly 4,3 şaqyrym (7 köşe) boiynşa asfalt töseu jūmystary jürgızıledı. Qazırgı uaqytta eldımeken tūrǧyndaryna №17 jäne №75 baǧyttaǧy avtobustar tūraqty qyzmet körsetude.
Qala äkımı atalǧan jūmystardyŋ barlyǧy tūrǧyndardyŋ igılıgı üşın atqarylyp jatqanyn atap öttı. Eldı mekenderde azamattar üşın laiyqty ömır sapasyn qamtamasyz etu baǧytynda auqymdy jūmystar josparly türde jüzege asyp, eldı mekendegı özektı mäseleler retımen şeşıletındıgın aitty.
Şymkent qalasy äkımdıgınıŋ baspasöz qyzmetı
