Şymkent qalasynyŋ äkımı Mūrat Äitenov Qaratöbe (Bazarqaqpa, Abdulabad, Badam-1, Tūrdyabad, Şaŋyraq) aumaǧynyŋ infraqūrylym jüielerımen tanysyp, E.Iýsupov atyndaǧy №104 mektepte tūrǧyndarmen kezdestı.
Eŋbekşı audany aumaǧynda infraqūrylym jüielerın damytu boiynşa 2021-2025 jyldarǧa arnalǧan «Jol kartasy» naqtylanyp, bekıtılgen. Bügınde Qaratöbe aumaǧyndaǧy eldı mekender auyz su, tabiǧi gazben tolyq qamtylǧan. 104,6 şaqyrym avtomobil joldarynyŋ 61,3 şaqyrymy asfalttalǧan.
Bazarqaqpa, Abdulabad, Badam-1 tūrǧyn alaptaryna auyz su jüiesı tolyǧymen jaŋartylyp, qazırgı taŋda tūrǧyndarǧa täulık boiy auyz su berılude. Bazarqaqpa, Badam-1 tūrǧyn alaptarynda jekemenşık jüiedegı 998 abonentke biudjet esebınen elektr jelılerı jürgızılse, «Oŋtüstık Jaryq Tranzit» JŞS-ı esebınen 901 abonenttıŋ elektr jelılerı jaŋartyldy.
Ötken jyly 4 sport alaŋşasy (Tūrdyabad, Badam-1) salynyp, tūrǧyndar igılıgıne berıldı. Bazarqaqpa tūrǧyn alabynda 6 köşege, Abdulabad tūrǧyn alabynda 2 köşege asfalt jol salyndy. Abdulabad eldı mekenınıŋ ışkı köşelerındegı topyraq jolǧa şaǧal tas töseu jūmystary jürgızıldı.
Biyl Qaratöbe aumaǧyndaǧy köşelerge biudjet esebınen asfalt töseu jūmystary atqarylady. Badam-1 tūrǧyn alabynda 153, Abdulabad tūrǧyn alabynda 484 jekemenşık elektr jelılerın auystyru jūmystary qolǧa alynady. Tūrdyabad tūrǧyn alabynda 1 balalar oiyn alaŋşasy salynady. Aumaqtaǧy 24 köşege ortaşa jöndeu jūmystary jürgızıletın bolady.
Qala äkımı atalǧan jūmystardyŋ barlyǧy tūrǧyndardyŋ igılıgı üşın qolǧa alynǧanyn atap öttı. Smetalyq qūjattarǧa säikes jol töseu jūmystaryn qataŋ baqylauǧa alu jäne kezdesude aitylǧan tūrǧyndardyŋ ötınışı negızınde jer mäselesın şeşu jönınde tiıstı sala basşylaryna naqty tapsyrmalar berdı.
Şymkent qalasy äkımdıgınıŋ baspasöz qyzmetı
