Üşınşı megapoliste infraqūrylym tartu jūmystary qarqyndy jürgızılude. Abai audanynda 2021 jyly 8 eldı mekennıŋ tūrǧyndary auyz sumen, sapaly elektr jaryǧymen qamtylǧan. Al biylǧy aqpan jäne nauryz ailarynda tabiǧi gaz berıledı. Būl turaly Abai aduany äkımı apparatynyŋ bölım basşysy Äbılqaiyr Oŋǧar audanda ıske qosylǧan infraqūrylymdyq jüielerdı tanystyruǧa arnalǧan baspasöz turynda aitty.
Äbılqaiyr Baqytqaliūly baspasöz turynda «Batys» jäne «Yntymaq-2» eldı mekenderındegı infraqūrylym mäselerı boiynşa atqarylyp jatqan jūmystardy baiandady. Audanda ötken jyly 8 eldı mekendegı 60 myŋǧa juyq tūrǧyn tırşılık närımen qamtylǧanyn aitty. Al biyl Qūrsai şaǧynaudanynda auyz su qūrylystary jürgızılıp jatqanyn jetkızdı. Osylaişa, Abai audanynda biyl tasymaldy su toqtatylyp, auyz sumen qamtu deŋgeiı 98 paiyzǧa jetken. – Qazırgı taŋda atalǧan eldı mekenderde auyz su qūrylysy tolyq jürgızılıp, abonentterge auyz sudy üilerıne qosu jūmystary aiaqtaldy. Al İgılık, Kökbūlaq jäne Täuelsızdıkke 20 jyl, Yntymaq şaǧynaudandarynda elektrge tartu jūmystary aiaqtalyp, tūrǧyndardyŋ paidalanuyna berıldı. Atalǧan şaǧynaudandardyŋ tūrǧyndary «OŋtüstıkJaryqTranzit» mekemesınen tehnikalyq şarttaryn alyp, abonentter sapaly elektr quatyna qosyldy. Qazırgı taŋda Soltüstık Saiajai, Yntymaq şaǧynaudandaryna kögıldır otynnyŋ qūrylys jūmystary jürgızılude. AGRS-3 stansiiasy aldaǧy aqpan jäne säuır ailarynda ıske qosylyp, audan tūrǧyndary tabiǧi gazben qamtamasyz etıletın bolady, - deidı bölım basşysy.
«Şymkent kelbetı» — Azamat JAPPAR, foto: Serık QOSAEV
