Äl-Farabi audany aumaǧynda sanitarlyq-epidemiologiialyq jaǧdai kündelıktı tekserılude. Jyl basynan berı 8 monitoringtık top audandaǧy 141 käsıpkerlık nysanǧa (33 toihana, 97 qoǧamdyq tamaqtanu orny, 8 ırı sauda ortalyǧy, 3 bazar) monitoring jürgızgen.
Tekseru barysynda käsıpkerlık nysan ielerıne qauly talaptaryn qataŋ saqtau boiynşa tüsındıru jūmystary jürgızılude. Zaŋ būzuşylyq anyqtalǧan jaǧdaida, algoritmge säikes däleldemeler jinaqtalyp, qūzyrly mekemege joldanyp jatyr. Bärıne qoiylatyn basty talap – betperde taǧu, äleumettık araqaşyqtyqty ūstanu. Al biznes subektılerınde- «ASYQ» qosymşasy men sanitaizer boluy şart.
Monitoring topta audan äkımdıgınıŋ qyzmetkerlerı, jergılıktı tärtıp saqşylary, audandyq tauarlar men körsetıletın qyzmetterdıŋ qauıpsızdıgın baqylau basqarmasynyŋ qyzmetkerlerı bar.
Aita keteiık, bügınde Şymkent qalasy «qyzyl» aimaqta. Tūrǧyndardy koronovirus infeksiiasynyŋ taraluyna jol bermei, sanitarlyq talaptardy saqtauǧa, revaksinasiia jasauǧa şaqyramyz!
Şymkent qalasy äkımdıgınıŋ baspasöz qyzmetı
