Ál-Farabı aýdany aýmaǵynda sanıtarlyq-epıdemıologııalyq jaǵdaı kúndelikti tekserilýde. Jyl basynan beri 8 monıtorıngtik top aýdandaǵy 141 kásipkerlik nysanǵa (33 toıhana, 97 qoǵamdyq tamaqtaný orny, 8 iri saýda ortalyǵy, 3 bazar) monıtorıng júrgizgen.
Tekserý barysynda kásipkerlik nysan ıelerine qaýly talaptaryn qatań saqtaý boıynsha túsindirý jumystary júrgizilýde. Zań buzýshylyq anyqtalǵan jaǵdaıda, algorıtmge sáıkes dáleldemeler jınaqtalyp, quzyrly mekemege joldanyp jatyr. Bárine qoıylatyn basty talap – betperde taǵý, áleýmettik araqashyqtyqty ustaný. Al bıznes sýbektilerinde- «ASYQ» qosymshasy men sanıtaızer bolýy shart.
Monıtorıng topta aýdan ákimdiginiń qyzmetkerleri, jergilikti tártip saqshylary, aýdandyq taýarlar men kórsetiletin qyzmetterdiń qaýipsizdigin baqylaý basqarmasynyń qyzmetkerleri bar.
Aıta keteıik, búginde Shymkent qalasy «qyzyl» aımaqta. Turǵyndardy koronovırýs ınfekııasynyń taralýyna jol bermeı, sanıtarlyq talaptardy saqtaýǵa, revakınaııa jasaýǵa shaqyramyz!
Shymkent qalasy ákimdiginiń baspasóz qyzmeti
