Qańtarda oryn alǵan tártipsizdikter jaıly jarysa jazǵan reseılik BAQ ókilderi eldegi jaǵdaı týraly pikir bildirdi. Gazeta.ru basylymyna suhbat bergen Joǵary ekonomıka mektebiniń professory, saıasattaný ǵylymdarynyń doktory Andreı Kazanev Toqaev pen Nazarbaev arasyndaǵy daýdyń ásirelep kórsetilgenin málimdedi. Sonymen qatar Nazarbaevtyń otbasy men Qasym-Jomart Toqaev arasynda rasymen janjal bolǵanyn qosyp ótti, dep habarlaıdy “Adyrna” ulttyq portaly Stan.kz saıtyna silteme jasap.
Saıasattanýshynyń sózinshe, Nazarbaev Toqaevqa barlyq bılikti berý arqyly kelisimge keldi. Esesine ol “Qazaqstandaǵy táýelsizdik men zamanaýı memlekettiktiń sımvoly” bolyp qaldy. Onyń oıynsha, aradaǵy janjal Tuńǵysh prezıdenttiń kúıeý balalary men jıenderin qyzmetten bosatý arqyly sheshilgen.
“Bul sheshim Toqaev úshin de, Nazarbaev úshin de paıdaly boldy. Qasym-Jomart Toqaev bılikke ıe boldy, al Nazarbaevtyń otbasynan belgili zattardy tartyp alǵanymen, eshkimdi abaqtyǵa jappaıdy. Bul aıqyn kórinip turdy: basynan bastap Elbasynyń týysy bolyp tabylmaıtyn azamattar ǵana tutqynǵa alyndy”, – dedi Andreı Kazanev.
Sonymen qatar sarapshy Toqaevtyń kelýine baılanysty Nursultan Nazarbaevtyń keı josparlary iskeı aspaı qalǵanyn aıtady. Burynǵy prezıdent ókilettigin birte-birte berip, kúshtik blokty ómiriniń sońyna deıin ustap qalmaqshy bolǵan. Alaıda bul ol oılaǵannan da jyldam júrgen.
“Qazaqstanda eki tulǵanyń kelisimge kelip, qańtardaǵy daǵdarystyń aıaqtalǵany mańyzdy. Elıtaishilik jaǵdaı turaqtaldy. Endi Qazaqstanda kimniń basshy ekeni túsinikti boldy ári janjal da joq.
Budan bólek Toqaev pen Nazarbaev arasyndaǵy daý týraly qaýeset te joqqa shyǵaryldy. Sebebi Nazarbaev barlyǵyn ózi moıyndady”, – dep qosty saıasattanýshy.
Buryn prezıdenttikke úmitker bolǵan jýrnalıst Ámirjan Qosanov Qazaqstandaǵy jaǵdaıdyń áli de qıyn ekenin málimdedi. Sebebi naqty aqparat joq, al bul memleket úshin qaýipti deıdi.
“Meni Nazarbaevtyń janynda Toqaevtyń bolmaǵyny alańdatty. Ekeýi qatar otyryp, halyqqa ne bolyp jatqanyn túsindirsin. Toqaev pen Nazarbaevty salystyrýǵa bolmaıdy. Eger Toqaev reforma júrgizgisi kelse, halyqqa úndeý jasap, oryn alǵan jaǵdaıǵa qatysty jeke oıyn bildirsin. Ázirge biz muny kóre almadyq. Memleketke ne bolatynyn naqty sheshýi kerek”, – dedi ol Gazeta.ru basylymyna bergen suhbatynda.
“Adyrna” ulttyq portaly
