Qaŋtarda oryn alǧan tärtıpsızdıkter jaily jarysa jazǧan reseilık BAQ ökılderı eldegı jaǧdai turaly pıkır bıldırdı. Gazeta.ru basylymyna sūhbat bergen Joǧary ekonomika mektebınıŋ professory, saiasattanu ǧylymdarynyŋ doktory Andrei Kazansev Toqaev pen Nazarbaev arasyndaǧy daudyŋ äsırelep körsetılgenın mälımdedı. Sonymen qatar Nazarbaevtyŋ otbasy men Qasym-Jomart Toqaev arasynda rasymen janjal bolǧanyn qosyp öttı, dep habarlaidy “Adyrna” ūlttyq portaly Stan.kz saityna sılteme jasap.
Saiasattanuşynyŋ sözınşe, Nazarbaev Toqaevqa barlyq bilıktı beru arqyly kelısımge keldı. Esesıne ol “Qazaqstandaǧy täuelsızdık men zamanaui memlekettıktıŋ simvoly” bolyp qaldy. Onyŋ oiynşa, aradaǧy janjal Tūŋǧyş prezidenttıŋ küieu balalary men jienderın qyzmetten bosatu arqyly şeşılgen.
“Būl şeşım Toqaev üşın de, Nazarbaev üşın de paidaly boldy. Qasym-Jomart Toqaev bilıkke ie boldy, al Nazarbaevtyŋ otbasynan belgılı zattardy tartyp alǧanymen, eşkımdı abaqtyǧa jappaidy. Būl aiqyn körınıp tūrdy: basynan bastap Elbasynyŋ tuysy bolyp tabylmaityn azamattar ǧana tūtqynǧa alyndy”, – dedı Andrei Kazansev.
Sonymen qatar sarapşy Toqaevtyŋ keluıne bailanysty Nūrsūltan Nazarbaevtyŋ kei josparlary ıskei aspai qalǧanyn aitady. Būrynǧy prezident ökılettıgın bırte-bırte berıp, küştık blokty ömırınıŋ soŋyna deiın ūstap qalmaqşy bolǧan. Alaida būl ol oilaǧannan da jyldam jürgen.
“Qazaqstanda ekı tūlǧanyŋ kelısımge kelıp, qaŋtardaǧy daǧdarystyŋ aiaqtalǧany maŋyzdy. Elitaışılık jaǧdai tūraqtaldy. Endı Qazaqstanda kımnıŋ basşy ekenı tüsınıktı boldy ärı janjal da joq.
Būdan bölek Toqaev pen Nazarbaev arasyndaǧy dau turaly qaueset te joqqa şyǧaryldy. Sebebı Nazarbaev barlyǧyn özı moiyndady”, – dep qosty saiasattanuşy.
Būryn prezidenttıkke ümıtker bolǧan jurnalist Ämırjan Qosanov Qazaqstandaǧy jaǧdaidyŋ älı de qiyn ekenın mälımdedı. Sebebı naqty aqparat joq, al būl memleket üşın qauıptı deidı.
“Menı Nazarbaevtyŋ janynda Toqaevtyŋ bolmaǧyny alaŋdatty. Ekeuı qatar otyryp, halyqqa ne bolyp jatqanyn tüsındırsın. Toqaev pen Nazarbaevty salystyruǧa bolmaidy. Eger Toqaev reforma jürgızgısı kelse, halyqqa ündeu jasap, oryn alǧan jaǧdaiǧa qatysty jeke oiyn bıldırsın. Äzırge bız mūny köre almadyq. Memleketke ne bolatynyn naqty şeşuı kerek”, – dedı ol Gazeta.ru basylymyna bergen sūhbatynda.
“Adyrna” ūlttyq portaly
