Ýtılızaııalyq alym azaıady, «ÓKM Operatory» Álııa Nazarbaevadan memleketke ótti, endi mashına arzandaıdy degen ertegi. Bul týraly eldegi eń iri avtosalon ókilderiniń ózi aıtyp otyr. Júrilgen avtomobılderdiń arzandaýynyń bir joly – avtosalondar burynǵydaı jańa kólikterge tolyp, tutynýshy qalaǵan komplektaııasy men kólik túsin erkin tańdaý múmkindigi bolýy kerek.
Defııt barys jylynyń sońyna deıin bola beredi. Jalpy álemdik avtomobıl naryǵynda qalyptasqan bul jaǵdaı kelesi jyldyń basyna deıin jalǵasýy múmkin. Sebebi byltyr jańa kólikterge predoplata alyp qoıǵandar qazir tutynýshylarǵa aqshalaryn qaıtara bastaǵan. Sosyn elge keletin jańa kóliktiń deni Reseıde qurastyrylady. Olar ne deıdi sol bolady. AzııaAvto óldi, SaryarqaAvtoprom qalt-qult etip istep tur.
Kóptegen avtomobıl brendterine jańa tapsyrystar alý 2021 jyldyń sońyna qaraı múldem toqtatyldy. Bıyl naýryz, sáýir aıynda kelýi tıis jańa kólikterden de kúder úzgen jón. Kelgenniń ózinde jupyny komplektaııa men baǵasy áldeqaıda qymbat bolady. Tıisinshe júrilgen, ásirese zaýyttan shyqqanyna 5 jyldan aspaǵan jańalaý kólikterdiń baǵasy da tómendemeıdi. Salonda kólik joq bolǵan soń, olar joǵary suranysqa ıe bolyp qala beredi. Suranys bolǵan jerde qarapaıym satýshy da murnyn shúıirip, oıyna kelgen baǵany aıtyp jatyr.
Jańa jyldan bastap, kólikterge baǵa taǵy da ósti. Birinshi qańtardan kólik qunynyń artatyny týraly sybys pen boljamdar bolǵan. Ádette jeltoqsan aıynda barlyq avtosalondar kólikti kóp satady, sebebi jaqyndaryna syılyq jasaý, sosyn memlekettik bıýdjettiń ıgerilmeı qalǵan qarjysyna qyzmettik kólikter satyp alý beleń alatyn kezeń. Bul joly salondardaǵy tapshylyq báriniń josparyn ózgertti. Al jekelegen adamdardyń taǵy sol júrilgen kólikterdi satyp alýdan basqa amaly qalmady. Kórshisi kóligin áldeqaıda qymbatqa satqanyn estigen Ámirbolat qalmaq ta elden qalam ba dep, kóligin «Kolesaǵa» aspandaǵy baǵamen habarlandyrý berip qoıdy. Ol óte me, ótpeı me báribir.
Qazir TRADE-IN júıesimen júrilgen kólikterdi satyp alyp, qaıta satý segmenti jaqsy jumys istep tur. Avtodılerler defııt kesirinen turalap qalmas úshin osy baǵytty damytyp jatyr. Shahardaǵy «MaıKar», «AsterAvto» sııaqty ondaǵan avtomarketterde qazir kádimgideı ajıotaj. Kolesaǵa qymbatqa qoıyp qoıǵan mashınasyna eki apta boıy eshkim zvondamaı qoıǵan soń, bizdiń Ámirbolat osyndaı avtosalondardy jaǵalap, kóligin baǵalatyp júr. Olar da aqymaq emes ótimdiligi joǵary Toıota, Nıssan, Hıýndaı sııaqty kólikterdi naryqtyq baǵamen alady. Qalǵandaryn óte tómen baǵalaıdy. Berseń ber, bermeseń qaıqaı, deıdi.
Besaǵashtaǵy AsterAvtonyń aýlasynda qazir 2,5 myń júrilgen kólik saýdada tur. Jańa jyl qarsańynda júrilgen kólikterdi kóptep satyp alýǵa tyrysqan. 2022 jyly defııt bolatynyn, baǵanyń túspeıtinin bilgendikten osyndaı qadamǵa barǵany túsinikti. «Iýrıdıcheskıı taza, tekserilip alynǵan» degen ertegilerin aıtady da, asyqpaı satady.
Ótken jyldyń qarasha aıynda 2020 jylǵy komplektaııasy jaqsy «Hıýndaı Týksondy» 12,5 mln-ǵa baǵalaıtyn osy alypsatarlar qańtardyń 15-i kúni dál osy kólikti 18,5 mln teńgege baǵalap satylymǵa shyǵaryp qoıypty. Al 2015 jylǵy «Toıota Kamrı 55» jańa jyldyń qarsańynda 10-11 mln teńge edi, dál búgin 15 mln-ǵa baǵalanyp tur. Bul da quıtyrqylyq. Baǵa rettelgenshe, eldegi saıası turaqsyzdyq qalpyna túskenshe suranysqa ıe avtomobılderdi ustaı turý. Sosyn baǵa tústi degen jeleýmen, sál arzandatyp sata bastaıdy.
Eń abzaly jyl sońyna deıin astyńyzdaǵy kólikti jaqsy kórip, baptap aıdaı turý kerek. Áıtpese ýtılalym mólsherlemesi azaıǵanyn kútip, shetelden tapsyryspen jaǵdaıy jaqsy, jyly jańalaý b/ý kólik aldyrtqan tıimdi.
"Adyrna" ulttyq portaly
