Prezidenttık kadr rezervınde bolǧan Arnūr Sartov taiauda Qostanai oblysy Altynsarin audanynyŋ äkımı bolyp taǧaiyndaldy dep habarlaidy "Adyrna" ūlttyq portaly "QazAqparatqa" sılteme jasap.
Arnūr Sartov 2013 jyly memlekettık qūrylymǧa jūmysqa ornalasqan. Ol sol kezdıŋ özınde memlekettık qyzmettıŋ ülken jauapkerşılık ekenın tüsıngen."Ülken jauapkerşılıkte tärtıp boluy tiıs. Jūmysta bolsyn, ömırde bolsyn ülken jauapkerşılık pen tärtıptı äkemnen kördım. Ol ūzaq jyldar boiy memlekettık qyzmette jūmys ıstedı. Menıŋ memlekettık qyzmetke keluım äkemnen alǧan ülgı-önegemen bailanysty deuge bolady", - dep bölıstı A. Sartov.
Arnūr Sartov Prezidenttık kadr rezervıne bır degennen öte almaǧanyn eske alady. Bırınşı ret jetkılıktı daiyndalmai, öz küşıne qatty sengen. "Alǧaşynda ırıkteu kezeŋınen öte almadym. Osy joly daiyndyqqa, ırıkteuge jäne konkursqa qatysuǧa baiyppen qaradym", - dep küldı ol."Memlekettık qyzmet mansabynda bırden joǧary köterıludı kütken joqsyz ba? degen sūraqqa A. Sartov memlekettık basqaru jüiesındegı meritokratiia qaǧidasy sättı jūmys ıstep jatqanyn atap öttı. Osyndai ırıkteu ädısın qoldanu tiımdılıgınıŋ bır mysaly – osy jaǧdai.
"General boludy armandamaityn sarbaz joq". Sondyqtan, ärine, armanym men maqsatym biık. Mūnyŋ qajyrly eŋbek ekenın de tüsıngen jön. Būl ırıkteuden ötu oŋai emes, är ümıtker jıtı ırıkteledı", - deidı Arnūr Sartov."Men äkım etıp taǧaiyndaidy dep kütpedım. Bıraq, ekı jyl boiy äkım orynbasary bolyp jūmys ıstep, täjıribe jinaqtadym. Memlekettık qyzmette 2013 jyldan berı jūmys ısteimın. Sondyqtan meritokratiia qaǧidaty boiynşa qadam-qadammen ılgerı jyljyp kelemın. Baiqaǧanyŋyzdai, osy qaǧida engızılgennen berı jūmys jürıp jatyr jäne belgılı bır oŋ nätije bar", - deidı ol. Sondai-aq audan äkımı retınde Arnūr Sartov Memleket basşysy Q. Toqaevtyŋ Mäjılıs otyrysyndaǧy soŋǧy tapsyrmalary men bastamalaryna qatysty öz pıkırın bıldırdı. Maǧan Memleket basşysynyŋ qoǧamdy bölıp-jıktemeitını ūnaidy. Halyqtyŋ ötınışıne qūlaq asyp, barlyq problemalyq mäselenı şeşudıŋ naqty qūraldaryn ataidy. Memleket pen qoǧamnyŋ ajyramas bırtūtas ekenın tüsınu kerek. Tek bırlese otyryp köptegen mäseleler men problemalardy şeşuge bolady,- deidı A.Sartov.
"Adyrna" ūlttyq portaly.
