Prezıdent Qasym-Jomart Toqaev Qazaqstanda baılar men kedeıler arasyndaǵy alshaqtyq jol berýge bolmaıtyn deńgeıge jetkenin málimdedi, - dep habarlaıdy “Adyrna” ulttyq portaly Tengrinews.kz saıtyna silteme jasap.
Memleket basshysynyń aıtýynsha, qańtardaǵy oqıǵalar jyldar boıy jınaqtalǵan problemalardy ashty.
"Aldymyzda barlyq áleýmettik qurylymdy ózgertýge strategııalyq mindet tur. Bizge Qazaqstan azamattarynyń múddesine saı keletin reformalar qajet, el ózgerdi jáne azamattarymyzdyń ekonomıkalyq júıege jáne jalpy ómirge degen kózqarasy ózgerdi.
Baılar men kedeıler arasyndaǵy alshaqtyq jol berýge bolmaıtyn deńgeıge jetti. Sybaılas jemqorlyq fonynda, ózderińiz jaqsy bilesizder, kásipkerler jaqsy biledi, tabystardyń mundaı stratıfıkaııasy oq-dári toly bóshkege jaǵylǵan sirińke rólin atqardy, ony terrorıster, sodyrlar jáne olardyń artynda turǵan kelissózshiler paıdalandy", - dedi Toqaev Nur-Sultandaǵy bıznes ókilderimen kezdesý kezinde.