Bügın qalalyq Jastar saiasaty mäselelerı basqarmasynyŋ qoldauymen «Jasyl el» jastar eŋbek jasaqtary kezektı «Taza düisenbı» aksiiasyn ötkızdı. Būl turaly elorda äkımdıgınıŋ resmi saity jariialady, dep habarlaidy “Adyrna” ūlttyq portaly.
Atalǧan ıs-şarany «Taza Qazaqstan. Astana – tazalyq pen tärtıptıŋ ülgısı» auqymdy ekoaksiiasy aiasynda «Respublikalyq studenttık qūrylys jäne jastar jasaqtary qozǧalysy» qoǧamdyq qory ūiymdastyrdy.
170-ten asa jas Respublikalyq bas meşıt aumaǧynda tazalyq jūmystaryn atqardy.
Ūiymdastyruşylardyŋ aituynşa, aksiianyŋ maqsaty – qalanyŋ ekologiialyq jaǧdaiyn jaqsartu jäne tazalyqty saqtau.
«Jasyl el» baǧdarlamasyn ıske asyru – memlekettık jastar saiasatynyŋ negızgı basym baǧyttarynyŋ bırı.
«Būl elde kögaldandyru, abattandyru jūmystaryn jürgızu arqyly student jastardy eŋbekpen qamtamasyz etu, köpşılık arasynda ekologiialyq tärbienı nasihattau, öskeleŋ ūrpaqtyŋ özınıŋ jerıne, elıne degen süiıspenşılıgın qalyptastyru maqsatynda ūiymdastyryluda. Sondai-aq bügıngı ıs-şara barysynda «Öndırıs» tūrǧyn alabynyŋ ainalasyn tazartu jūmystary jürgızıldı. Ekologiialyq sana men mädeniettı qalyptastyruymyz kerek. Ony ärkım özınen bastaǧany jön», - dedı «Respublikalyq studenttık qūrylys jäne eŋbek jasaqtary qozǧalysy» qoǧamdyq qorynyŋ töraǧasy Marat Mūhamedjanov.
Aita keteiık, biyl «Jasyl el» eŋbek jasaqtarynyŋ XX eŋbek mausymy bastaldy. Joba aiasynda elorda boiynşa 4 200-den astam 14 pen 35 jas aralyǧynda jastar jūmyspen qamtamasyz etıledı. Olar qalamyzdyŋ qūrylys nysanyndaryna, qala maŋyndaǧy «jasyl beldeude», äleumettık nysandardy, jalpy bılım beretın mekemeler aumaǧynda, qala saiabaqtaryna, kögaldandyru jūmystaryna atsalysady.
Ūqsas jaŋalyqtar
