Aqmola oblysynyŋ veterinariia salasy zaman talabyna sai sifrlandyru baǧytyn qolǧa aldy. Bügınde öŋırde VetLab, RPO, Prosessing ortalyq, VSE, ISZH-mobil, TortTulik syndy alty jaŋa modul pilottyq rejimde jūmys ıstep jatyr. Būl jüieler veterinariialyq prosesterdı jeŋıldetıp, mamandardyŋ jūmysyn jedel ärı tiımdı etuge mümkındık beredı.Būl turaly Aqmola oblysy veterinariia basqarmasy basşysynyŋ mındetın atqaruşy Aǧybai Syzdyqov brifingte mälım ettı, dep habarlaidy Öŋırlık kommunikasiialar qyzmetınen.
Soŋǧy üş jylda veterinarlardyŋ jalaqysy ekı ese ösıp, jas mamandardyŋ keluıne jol aşyldy. Degenmen auyldyq jerlerde kadr tapşylyǧy bar. Aimaqta veterinariialyq mamandarmen qamtylu deŋgeiı 77% qūraidy. Keibır audandarda būl körsetkış 29%-ǧa deiın tömendegen. Osy mäselenı şeşu üşın Qatarköl kolledjı mamandar daiarlaudy küşeitıp, 14 mamyrda bos oryndar järmeŋkesın ötkızudı josparlap otyr.
«Veterinariiany sifrlandyru auyl şaruaşylyǧy önımderınıŋ eksporttyq äleuetın arttyruǧa da oŋ äserın tigızude. Aimaqta brusellezge qarsy küres küşeitılıp, 2024 jyly tek bır ǧana oşaq tırkelgen. Būl körsetkış ötken jylmen salystyrǧanda bırneşe ese tömen», - deidı spiker.2025 jylǧa oblystyq biudjetten 4,3 mlrd teŋge bölınıp, mal aurularyn anyqtau, vaksinasiialau, januarlardy säikestendıru jäne qaŋǧybas it-mysyqtardy baqylau şaralary jalǧaspaq. Sonymen qatar, 3 mobildı insinerator, 20 qyzmettık avtokölık, 236 planşet pen 25 kompiuter satyp alu josparlanǧan. Bügınde veterinariialyq qauıpsızdık tek mal şaruaşylyǧy üşın ǧana emes, adamdardyŋ densaulyǧy üşın de maŋyzdy. Sebebı, Düniejüzılık densaulyq saqtau ūiymynyŋ derekterıne süiensek, jaŋa infeksiialyq aurulardyŋ 70%-y adamǧa januarlardan jūǧady. Sondyqtan Aqmola oblysynyŋ veterinariialyq basqarmasy halyqaralyq sarapşylarmen bırlese otyryp, aurulardyŋ aldyn alu şaralaryn jetıldırude.
«Aqmola oblysynyŋ veterinariia basqarmasy öŋırdegı epizootikalyq tūraqtylyqty saqtau jäne veterinariialyq qyzmettıŋ sapasyn arttyru baǧytynda jüielı türde jūmys jürgızude. Veterinariia salasyndaǧy jaŋaşyldyqtar auyl şaruaşylyǧynyŋ damuyna oŋ äserın tigızıp, tūrǧyndar üşın qauıpsız azyq-tülık önımderın öndıruge mümkındık beredı», - dep tüiındedı Aǧybai Syzdyqov.
