Türkiia bilıgı BŪŪ-ǧa hat joldap, 52 eldıŋ atynan İzrailge qarsy qaru-jaraq embargosyn engızuge şaqyrdy. Būl turaly Anadolu Ajansı agenttıgı jariialady, dep habarlaidy “Adyrna” ūlttyq portaly.
Jurnalister būl bastama turaly aqparatty Türkiia Syrtqy ıster ministrlıgındegı derekközderden alǧany naqtylandy.
Hatqa taǧy ekı ūiym qol qoidy: Arab ligasy men İslam yntymaqtastyǧy ūiymy.
Hat avtorlary embargo engızu qajet dep sanaidy, öitkenı olardyŋ pıkırınşe, İzrail Gaza sektory men Livandaǧy ūrys kezınde adam qūqyqtary men halyqaralyq gumanitarlyq qūqyqty būzyp otyr.
İzrail tarapy mūndai aiyptaulardy joqqa şyǧarady.
Aqparat agenttıgınıŋ habarlauynşa, hatqa qol qoiǧan elder arasynda Türkiia, BAÄ, Braziliia, Qytai, İran, Oŋtüstık Afrika Respublikasy, Qyrǧyzstan, Qazaqstan, Resei jäne Saud Arabiiasy bar.
İzrail qazır Gaza sektorynda Hamasqa qarsy jäne Livanda Hezbollaǧa qarsy äskeri operasiialar jürgızude.
Aita ketsek, embargo – belgılı bır elmen sauda nemese basqa kommersiialyq qyzmetke resmi tyiym salu.
