Prezıdent Toqaev Astanada iri bıznes ókilderimen kezdesý ótkizdi. Kóptegen jaqsy bastamalar kóterildi. Biz onyń "Gegeldi Babelden" ajyrata almaıtyn "myqty" kásipkerler týraly aıtqan kezde onyń kimderdi meńzep turǵanyn jaqsy túsindik.
Ózi óndiredi, ózi qaıta óńdeıdi, ózi bankterdi basqarady dep monopolııalar týraly aıtqanda da, biz onyń kimdi aıtyp otyrǵanyn jaqsy túsindik.
Árıne, barlyq bastamalar jaqsy, biraq kemshin tustar da joq emes. Kóptegen tapsyrmalardy iske asyrý mehanızmi túsiniksiz. Mysaly, asa iri bıznesmender óz tabystarynyń belgili bir paıyzyn halyq qoryna qalaı aýdarady? Qansha paıyzyn? Qandaı jıilikpen? Onyń negizdemesi qandaı bolmaq? Meniń oıymsha, bul zańdy shema emes, ony aınalyp ótý, basqasha taldaý, aqyrynda tipti odan qashyp qutylý op-ońaı.
⠀
Meniń oıymsha, eger olarda qandaı da bir ýaǵdalastyqtar men qaýipsizdik kepildikteri bolsa, burynǵy bılikke jaqyn kapıtaldy zańdastyrý shemasy áldeqaıda túsinikti, ádil jáne turaqty bolar edi, ıaǵnı olar bir rettik, úlken múlik salyǵyn tóleıdi de, zań aıasynda ádettegideı jumysyn jalǵastyra beredi. Raqymshylyqtyń bir túri. Bul proedýra úshin "Tarıhı ádilettilikti qalpyna keltirý týraly" arnaıy zań qabyldaýǵa bolady, oǵan sáıkes ótken bılikke jaqyn barlyq kásipkerler óz kapıtalyn zańdastyrýǵa mindetti bolsyn. Bul durys, ári zańdy jol bolar edi.
⠀
Qysqasy, meniń túsinýimshe, Toqaevtyń búgingi messedji óz kapıtalyn burynǵy bılik kezinde jınaǵan bıznesmenderge, sondaı-aq bıznes pen bılik arasyndaǵy qarym-qatynas týraly jańa qoǵamdyq sharttyń deklaraııasyna kóbirek baǵyttaldy.
"Adyrna" ulttyq portaly
