Bauyrjan Momyşūly 4 kün boiy jerlenbei jatyp qalǧan. Būl turaly batyrdyŋ kelını, jazuşy Zeinep Ahmetova “Zeinep apanyŋ äŋgımelerı” baǧdarlamasynda aityp berdı, dep habarlaidy «Adyrna» tılşısı Caravan.kz media portalyna sılteme jasap.
“Qazaqstannyŋ Reseige öz erkımen qosylǧanynyŋ 250 jyldyǧy ötıp jatqan kezde atam qaitys boldy. Qosylsaŋdar qosylyŋdar, men kettım degendei.. Sonymenen atamyz 4 kün jerlenbei jatyp qaldy. Öitkenı, toidyŋ kezı bolatyn. 250 jyldyq ötken künnıŋ ertesıne RSFSR ädebietı men mädenietı künderı bastaldy. Bükıl orystar köşıp keldı, ataqtylarynyŋ bärı Almatyǧa keldı. Sondai kezde atany şyǧaryp sala almady. Öitkenı, halyq keledı, jinalady. Qūdai basqa salmasyn, älı künge deiın oilasam, jüregım syzdap ketedı”, – dedı Zeinep Ahmetova.“Bızdı aralastyrmaidy, bızge rūqsat etpeidı. Ol Sovet Odaǧynyŋ kezı. Qazır bolsa äi, ket ary deimız ǧoi. Al ol kezde öite almaisyŋ. Söitıp törtınşı künı ǧana ata jerlendı. Bırınşı Keŋsai dep atalatyn jerde joǧary jaǧyna töbege ata jalǧyz qoiyldy”,- dedı jazuşy. Al jerlengen künı Almatynyŋ aua raiy da tosyn mınez tanytypty.
“Jerleitın kezde äskeri adam bolǧan soŋ soldattar aspanǧa oq atty. Üş märte. Sosyn atany jerge tüsıretın kezde aspandy aiaq asty qara būl torlap, naizaǧai oinap jauyn jaudy de kettı. Bıreuler būl oq atqannan boldy deidı. Al menıŋşe būl tabiǧatyŋ bır tylsym küşı ma, Alla taǧalanyŋ atany osynşa kün jatqyzyp qorlaǧanyna keiıgenı ma, renjıgenı ma tüsınu qiyn”,- dedı Zeinep Ahmetova.Esterıŋızge sala keteiık, Bauyrjan Momyşūly 1982 jyldyŋ 10 mausymynda 71 jasynda ömırden ötken bolatyn.
«Adyrna» ūlttyq portaly
