Şymkent qalasynyŋ äkımı Mūrat Äitenov qaladaǧy bırqatar bılım beru mekemelerınıŋ offlain rejimıne ötu daiyndyǧyn tekserdı.
Qala äkımı aldymen «Miras» şaǧynaudanyndaǧy «AI SCHOOL» jekemenşık orta mektebıne bardy.
2021 jyly aşylǧan oqu ordasynda oquşylar 1 auysymda bılım aluda. Mektep multimedialy-lingofondy kabinetpen, interaktivtı taqtamen, barlyq qajettı qūraldarmen jabdyqtalǧan.
Şymkent qalasynda 2022 jyldyŋ 24 qaŋtarynan bastap menşık nysanyna qaramastan bılım aluşylar sany 600-ge deiıngı barlyq bastauyş, negızgı jäne jalpy orta bılım beretın mektepterde oqytu ştattyq formatta jürgızıledı.
Menşık nysanyna qaramastan bılım aluşylar sany 600-den asatyn bastauyş, negızgı jäne jalpy orta bılım beretın mektepterde oqytu bır auysymda mekteptıŋ jobalyq quatynyŋ 50 %-nan aspaityn tolymdylyqpen ştattyq formatta jürgızıledı.
Būl rette 1-4 synyptarda (halyqaralyq mektepterde 1-6 synyptarda) oqytudy ştattyq formatta ūiymdastyruǧa basymdyq berıledı.
Qala äkımı mektepte karantindık talaptardy saqtap, offlain rejimınde oqu prosesın jüielı ūiymdastyrudy tapsyrdy.
Şymkent qalasy äkımdıgınıŋ baspasöz qyzmetı
