Şymkent qalasy äkımı Mūrat Äitenovtıŋ qatysuymen, Qainarbūlaqtaǧy №106 mektepte, aumaqtaǧy infraqūrylym jüielerı jūmystarynyŋ barysy talqylandy.
Tūrǧyn alapty infraqūrylym jüielerımen qamtuda tübegeilı jäne jüielı jūmystar jürgızu josparlanǧan. 18 köşede asfalt bolsa, 2022 jyly jaŋa qūrylys aumaǧynda (№125 JOM aumaǧy) aty joq köşelerge biudjet esebınen asfalt töseu jūmystary infraqūrylym jüielerınıŋ qūrylysynan keiın jürgızılmek. 2023 te jaŋaqūrylys aumaǧynda aty joq 10 köşege asfalt töseu josparda bar.
2020 jyly Äbılda Böleşov, «Stepnaia», «Qainarbūlaq tas joly» köşelerı jaryqtandyrylǧan.
Biyl «Äbılda Böleşov» köşesınıŋ jalǧasy, Taskeşu eldı mekenıne qarai jaryqtandyrylady.
Eldı mekennıŋ jaŋaqūrylys aumaǧyna (№83 mektep janyna) «Ksell» kompaniiasynyŋ bazalyq stansiiasy ornatyldy. Jeke investor tarapynan sapaly internetpen qamtu jūmystary 2022 jyldyŋ III toqsanynda aiaqtalady dep kütılude.
Eldı mekende bır mädeniet üiı jöndeudı qajet etse, 5 sport alaŋşa paidalanuǧa berılgen.
Qala äkımı kezdesude eldı mekenderde är salalyq baǧyt boiynşa jūmystardy baiandap, ärbır saualǧa jeke-jeke jauap berdı. Osyndai kezdesulerdıŋ halyq qajettılıgın tiımdı şeşude maŋyzdy ekenın atap ötken M. Äitenov, ötınışter men saualdar boiynşa audan äkımı men sala jetekşılerıne naqty tapsyrmalar berdı.
Şymkent qalasy äkımdıgınıŋ baspasöz qyzmetı
