Baqytjan Saǵyntaev Bostandyq aýdanynyń ákimi Altaı Rahymbetovty synady, dep habarlaıdy "Adyrna" ulttyq portaly.
24 qańtarda dúısenbi kúngi tańerteńgi jınalysta megapolıs basshysy azyq-túlik baǵasy óskenine nazar aýdardy. Ótken aptadaǵy esepte Saǵyntaev Bostandyq aýdanynda osyndaı 21 zańbuzýshylyq, al Túrksib aýdanynda birde-bir zańbuzýshylyq anyqtalmaǵanyn aıtty. Ol aýdan ákimi Altaı Rahymbetovten mundaı jaǵdaı qalaı bolýy múmkin ekenin túsindirýdi surady.
- Biz, kerisinshe, kún saıyn tekserý júrgizemiz, osyndaı faktilerdi anyqtaımyz jáne dúken ıelerimen baǵalardy tómendetýge jumys isteımiz, - dep jaýap berdi Altaı Rahymbetov.
- Túrksib aýdanynda zańbuzýshylyq joq dep aıtqyńyz kele me, ıaǵnı aýdan ákimi jumys istemeı me, - dep surady Almaty ákimi.
- Joq, olaı emes, kún saıyn monıtorıng júrgizilip otyratynyn aıtqym kelgen, - dedi Rahymbetov.
"Eger kún saıyn monıtorıng jasasańyz, onda zańbuzýshylyqtar bolmaýy kerek. Baqylaýǵa alyńyzdar, bulaı bolmaýy kerek", - dedi Saǵyntaev.
"Adyrna" ulttyq portaly
