Bügıngı ötken Ükımet otyrysynda QR Densaulyq saqtau ministrı Ajar Ǧiniiat elımızdegı epidemiologiialyq ahualdy baiandai kele, jaqyn bailanysta bolǧan jäne siptomsyz nauqastar üşın karantin merzımı qysqartylǧanyn mälımdedı.
«Jaqyn bailanysta bolǧan jäne siptomsyz nauqastar üşın karantin merzımı 14-ten 10 künge deiın qysqartyldy. Būl rette 7 täulıkten keiın PTR-zertteudıŋ terıs nätijesı bolǧan kezde karantin aiaqtalady. Eger qandai da bır sebeptermen 7 täulıkke arnalǧan PTR-test tapsyrylmasa, onda karantin testtı qosymşa tapsyrusyz 10-şy künı aiaqtalady», - dedı ministr.
Selektorlyq jiynǧa qatysqan Şymkent qalasynyŋ äkımı M.Äitenov Vedomstvo basşysynyŋ tapsyrmalarynan soŋ basqarma basşylary jäne audan äkımderımen qaladaǧy epidahualdy talqylady. Densaulyq saqtau basqarmasynyŋ basşysy B.Pozilov Şymkent qalasynda jyl basynan berı koronavirus jūqtyrǧan sany 5420-ǧa jetkenın, emdelıp şyqqan nauqastardyŋ sany 451, ökınışke orai 20 nauqas qaitys bolǧanyn aitty. Aldyŋǧyǧa qaraǧanda būl aptada virus jūqtyruşylar sanynyŋ azaiǧanyn köruge bolady. Ötken täulıkte COVID-19 infeksiiasyn jūqtyrudyŋ 85 jaǧdaiy tırkeldı.
Bügınge 4 949 nauqas emdelıp jatyr, onyŋ ışınde stasionarda 394 nauqas, 4 555 nauqas üi jaǧdaiynda ambulatorlyq em qabyldauda. İnfeksiialyq stasionarlar kovidtıŋ yqtimal tolqynyna üş ssenarii boiynşa daiyndyq jürgızılgen bolatyn. Qalada 828 tösek-oryn jasaqtalyp tūr. Qazırgı taŋda 394 azamat stasionarlyq emdelude. Tösek-oryn tolymdylyǧy 47% qūraidy, 434 tösek oryn bos. Jansaqtau bölımınde 131 tösek oryn bar, onda 48 azamat em qabyldauda, 83 tösek oryn bos. Tolymdylyq – 36 paiyz.
Qalada 45 ekpe egu beketı bar. 1-şı komponentpen 594 774 adam, 2-şı komponentpen 581 276 adam egıldı. Tiıstı kontingenttıŋ (596205 adam) 1-şı komponentpen 99,8%, 2 komponentpen 97,5% vaksinasiialandy.
«Pfizer-BioNTech» vaksinasynyŋ 1-şı komponentımen 32 622 adam egıldı, 2-şı komponentımen 14 067 adam egıldı. Üşınşı dozasymen 72 230 adam revaksinasiialandy.
41emhanada 164 mobildı brigada jasaqtalyp, olar üi jaǧdaiynda em qabyldap jatqan 4 555 nauqas pen koronavirus jūqtyrǧandarmen qarym-qatynasta bolǧan 9 632 adamǧa medisinalyq qyzmet körsetude.
Karantin rejimın saqtau boiynşa jyldyŋ basynan monitoringtık toptar 746 obektıde reidtık ıs-şaralar jürgızdı, nätijesınde 12 hattama toltyryldy jäne1 mln.teŋge somasyna aiyppūl salyndy.
Qala äkımı mobildı brigadalardyŋ jūmysyn küşeitudı, audan äkımderıne monitoringtık toptarmen bırge tekseru jūmystaryn jürgızıp, karantin talaptarynyŋ qataŋ saqtaluyn baqylaudy tapsyrdy. Omikron ştamynyŋ tez taralu qaupıne orai barynşa saqtyq şaralaryn küşeitu qajettıgın aitty.
Şymkent qalasy äkımdıgınıŋ baspasöz qyzmetı
