Memleket basşysy Qasym-Jomart Toqaev memlekettıŋ qauıpsızdıgı men halyqtyŋ äl-auqaty sybailas jemqorlyqpen küres jönındegı jüielı şaralarǧa tıkelei bailanysty ekenın aitqan bolatyn. Osyǧan orai bügın Şymkent qalasynyŋ äkımı Mūrat Äitenov QR 2022-2026 jyldarǧa arnalǧan sybailas jemqorlyqqa qarsy saiasat tūjyrymdamasy jobasyn biznes ökılderımen talqylady. Onlain jiynǧa biznes qauymdastyq, memlekettık jäne jergılıktı atqaruşy organdar, Sybailas jemqorlyqqa qarsy ıs-qimyl Agenttıgınıŋ Şymkent qalasy boiynşa departamentı basşysy jäne jergılıktı käsıpkerler qatysty.
Qala äkımı jinalystyŋ maqsaty sybailas jemqorlyqqa qarsy ıs-qimyldy barlyq deŋgeide tiımdı jürgızu üşın keşendı ärı bırlese jūmys atqaru ekendıgın aitty.
- Sybailas jemqorlyqqa qarsy qabyldanǧan şaralar qylmystyq qudalau äreketımen ǧana şektelmeuı kerek. Memleket basşysy qoǧam ökılderınıŋ belsene atsalysuy jäne aldyn alu şaralary sybailas jemqorlyqqa qarsy kürestıŋ basty qūraldary ekenın atap öttı. Prezident tapsyrmasymen «Qoǧamdyq baqylau turaly» zaŋ daiyndalyp jatqanyn habarlady. Būl qūjat memlekettık organdardyŋ qoǧam aldyndaǧy aşyqtyǧy men eseptılıgın qamtamasyz etudı közdeidı. Sondai-aq belsendı azamattardyŋ qūqyqtyq baqylau qūraldaryn paidalanuyna mümkındık beredı. Biznestı qorǧau bızdıŋ basty mındetımız jäne Sızderdı belsendı özara ıs-qimyl men yntymaqtastyqqa şaqyramyz, - dedı M.Äitenov.
Mäjılıste Sybailas jemqorlyqqa qarsy ıs-qimyl Agenttıgınıŋ Şymkent qalasy boiynşa departamentı basşysy Ş.Öteev megapolistegı jemqorlyq äreketterınıŋ körınıs tabuy boiynşa qysqaşa baiandap, qatysuşylardyŋ sūraǧyna jauap berdı.
Jiyndy qorytyndylaǧan qala basşysy käsıpkerler tarapynan aitylǧan ūsynys, pıkırler tyŋdausyz qalmai talqylanǧan mäseleler öz jemısın beretınıne senım bıldırdı.
Şymkent qalasy äkımdıgınıŋ baspasöz qyzmetı
