Almaty qalalyq qoǵamdyq densaýlyq saqtaý departamenti tártipsizdik kezinde zardap shekken naýqastardyń qaıda jetkizilgenin jáne olardyń qandaı jaǵdaıda ekenin aıtty, - dep habarlaıdy "Adyrna" tilshisi.
Buǵan deıin BAQ-ta tártipsizdik kezinde zardap shekkender men jaralanǵandardy Almatydaǵy aýrýhanalardan shyǵarý týraly aqparat taraǵan bolatyn. Buqaralyq aqparat quraldarynyń habarlaýynsha, olardy quqyq qorǵaý organdarynyń ókilderi alyp shyqqan.
Qalalyq qoǵamdyq densaýlyq saqtaý basqarmasy tártipsizdik kúnderi Almatyda 1256 zardap shegýshi aýrýhanalarǵa júgingenin, onyń 506-sy aýrýhanaǵa jatqyzylǵanyn habarlady. Olardyń keıbiri jedel járdemmen aýrýhanaǵa jetkizilse, keıbiri óz-ózderin emdegen. Barlyǵyna medıınalyq kómek kórsetildi. Qazir aýrýhanada taǵy 33 naýqas jatyr.
"Qabyldanǵannan keıin birneshe kún ótken soń, qajetti medıınalyq kómek kórsetilgennen keıin keıbir naýqastar ózderiniń áskerı gospıtaldaryna jetkizildi. Sondaı-aq, tergeý organdary jedel-izdestirý is-sharalaryn júrgizý úshin keıbir naýqastardy gospıtaldardan shyǵardy. Olardyń jaǵdaıyn baqylaý qolǵa alyndy. Kómek kórsetilgennen keıin ǵana ketti», - dedi Almaty qalalyq qoǵamdyq densaýlyq saqtaý departamenti basshysynyń orynbasary Svetlana Sultanǵazıeva.
Sultanǵazıevanyń aıtýynsha, mamandardy tergeý organdary aýrýhanalardan shyǵarylǵan naýqastardy kútý boıynsha keńes alý úshin shaqyrǵan.
"Adyrna" ulttyq portaly
