Şymkent qalasynyŋ äkımı Mūrat Äitenov ardagerlermen kezdestı. Jyl basyndaǧy dästürlı jüzdesude ötken jylǧy jasalǧan jūmystardy saralady. Halyqtyŋ äl-auqatyn arttyrudy, tūrmys-tırşılıgın tüzetudı közdeitın aldaǧy atqarylar jobalar men josparlardy aitty.
«Bız qaşanda «ülkenge qūrmet, kışıge ızet» körsetken halyqpyz. Eldıgımızdıŋ ūiytqysy bolǧan aǧa buyn ökılderınıŋ orny airyqşa. Osynda otyrǧan ärqaisyŋyz qūrmetke laiyqsyzdar, qalamyzdyŋ örkendeuıne qosqan ülesterıŋız üşın alǧys bıldıremın. Qalamyz jyldan jylǧa körkeiıp, elımızdegı ırı megapoliske ainaldy. Endıgı jerde qalamyzdy odan ärı damytyp, tūrǧyndarǧa yŋǧaily jaǧdai jasau ol bızdıŋ mındet. Alǧa qoiǧan josparly mejenı oryndap, osy baǧyttaǧy jūmystardy jalǧastyra beremız», - dedı M.Äitenov.
Biylǧy jyl Täuelsızdıgımızdıŋ tarihynda alǧaş ret qasırettı oqiǧamen bastalǧanyn aityp - pandemiia tūsynda qysyl taiaŋ sätte bolǧan qandy oqiǧa barlyǧymyzdy eseŋkıretıp tastady. Bükıl älem aldynda täuelsızdıgımız ben eldıgımız synǧa tüstı. Degenmen el bolyp der kezınde Memleket basşysynyŋ janyna ūiysa bıldık. Endıgı uaqytta mūndai qasırettı oqiǧa bolmasyn dep tılegın jetkızdı.
Jiynǧa kelgen är audannyŋ ardager tūrǧyndary da öskeleŋ ūrpaqqa mūra etıp qaldyrar täuelsızdıgımızdı tūǧyrly etu jolynda bırlese jūmys jasauǧa ärqaşan daiyn ekendıkterın jetkızdı. Jūmystyŋ qai baǧytta aqsap jatqanyn aityp, pıkırlerımen bölıstı.
Sonymen, Şymkent äkımı M.Äitenovtıŋ qalanyŋ äleumettık-ekonomikalyq damuy tūrǧysynda baiandaǧan sandarǧa toqtalsaq,
Ötken jyl qorytyndysymen önerkäsıp önım kölemı 5,4 paiyzǧa, investisiia kölemı 65 paiyzǧa, qūrylys jūmystary 11 paiyzǧa, paidalanuǧa berılgen tūrǧyn üi alaŋy 56 paiyzǧa, bölşek sauda kölemı 6 paiyzǧa artty.
Öndırıs aimaqtarynda 123 joba ıske qosylyp, 10 myŋǧa juyq jaŋa jūmys oryndary aşyldy.
Jaŋadan 2 industrialdy aimaq aşu jūmystary bastaldy.
Auylşaruaşylyq salasynda 14 mlrd. teŋgege 24 joba ıske qosylyp, 336-den astam jūmys orny aşyldy.
Sauda-logistika aimaǧynda biylǧy jyly 4 jaŋa qoimalardyŋ qūrylysy josparlanuda. 1 köterme-taratu ortalyǧy salynatyn bolady.
100 mlrd.teŋgenı qūraityn 54 investisiialyq joba ıske asyrylyp, 2 500-den asa jaŋa jūmys oryndary aşyldy. Onyŋ ışınde, şeteldık investorlardyŋ qatysuymen 23,8 mlrd. teŋgege 4 investisiialyq joba ıske qosyldy. İnvestisiia kölemı 460 mlrd. teŋgeden asty. Biyl qalaǧa 540 mlrd. teŋge investisiia tartu josparlanuda.
«Biznestıŋ jol kartasy-2025» memlekettık baǧdarlamasy aiasynda 9,8 mlrd. teŋgege 2 963 jobaǧa qoldau körsetıldı.
11 myŋnan astam orynmen 25 mektep ıske qosyldy. 14 üş auysymdy mektepter sany 9-ǧa deiın azaidy. Biyl 10,5 myŋǧa juyq 16 mekteptıŋ qūrylysyn jürgızıp, üş auysymdy mekteptr sanyn 9-dan 5-ke deiın tömendetu josparlanuda.
4 jekemenşık medisinalyq ortalyq aşyldy. Medisina mekemelerınıŋ materialdy-tehnikalyq bazasyn jaŋartu deŋgeiı 71,5 paiyzdan 77,3 paiyzǧa jettı.
«Eŋbek» baǧdarlamasymen 35 myŋnan astam adam qamtyldy. Ekonomika salalarynda 25 myŋnan astam jūmys oryndary aşyldy.
115 oiyn jäne sport alaŋşasy paidalanuǧa berıldı.
1 mln. şarşy metrden astam tūrǧyn üi paidalanuǧa berıldı.
«Bır üi - bır bırlestık - bır şot» qaǧidasy boiynşa köpqabatty tūrǧyn üilerdıŋ 100 paiyzynda basqaru jüiesı engızıldı.
104 köşe jaryqtandyryldy.
1 saiabaq paidalanuǧa berılıp, 300 myŋnan astam aǧaş, köşetter otyrǧyzyldy.
Şymkent qalasy äkımdıgınıŋ baspasöz qyzmetı
