Şymkent qalasynyŋ äkımı Mūrat Äitenov Abai audanyna qarasty Jaŋatalap eldı mekenınıŋ tūrǧyndarymen kezdestı. Qala basşysy äleumettık mäselenı tolyq şeşu üşın Jaŋatalapqa arnaiy kelıp, halyqtyŋ ötınışın tyŋdady.
Qazırgı uaqytta, būl eldı meken xalqy auyz sumen, sapaly elektr quatymen jäne kögıldır otynmen tolyq qamtylǧan bolsada, jaŋaqūrylys bölıgıne älı de sapaly elektr jaryǧy men tabiǧi gaz kelmegen. Būl boiynşa biyl tiıstı jūmystar jürgızılıp, infraqūrylym mäselesı tolyq şeşıledı.
Tūrǧyn alabta 6 myŋnan astam tūrǧyn bolsa, onyŋ 1600 balalar. Būl aumaqta 600 oryndyq mektep bar. Osyny negızge alǧan Jaŋaqūrylys bölıgınde tūratyn tūrǧyndar qosymşa mektep salyp berudı, köpır men asfalt jol jäne şaǧal tas tösep beru jaiyn aitty. Sonymen qatar, aqsaqaldar Badam özenı boiynan şaǧal tas ūrlau mäselesın köterdı.
Qala äkımı tūrǧyndardyŋ talap-tılekterın tyŋdap, sala jetekşılerımen, audan əkımdıgıne köterılgen məselerdı zaŋ aiasynda qarap, şeşu boiynşa bırqaratar naqty tapsyrma berdı.
«Būl eldı mekende kommunaldyq-infraqūrylymmen qamtu mäselesı tolyq şeşıldı desek te bolady. Endıgı jerde jol sapasyn jaqsartyp, jaryqtandyru jūmystary jürgızıledı. Būdan bölek, balalar alaŋşasy da ornatylady. Ötken jyly ekı sport alaŋşasy salynyp, paidalanuǧa berılgenın özderıŋız bılesızder. Būl jūmystardyŋ barlyǧy halyqtyŋ jaily ömır süruı üşın jasalyp jatyr. Qosymşa mektep salu mäselesın qarastyratyn bolamyz. Osynda aitylǧan ötınışterdıŋ oryndaluy özımnıŋ jeke baqylauymda bolady. Bar küş jıgerımmen qyzmet etuge äzırmın»,-dedı şahar basşysy.
Jaŋatalap tūrǧyn alabynyŋ jer kölemı 773 gektardy qūraidy. Tūrǧyn üi sany 776. Mūnda 600 oryndyq 1 mektep, 1 balabaqşa, 1 ambulatoriia men 1 mädeniet üiı jäne 3 sport alaŋşasy bar.
Şymkent qalasy äkımdıgınıŋ baspasöz qyzmetı
