SQO-da auyl äkımınıŋ mındetın atqaruşy 20 jastaǧy Asqar Jalǧas äskeri boryşyn öteu üşın qyzmetınen kettı, - dep habarlaidy “Adyrna” ūlttyq portaly Astana TV arnasyna sılteme jasap.
Er adam Esıl audanyna qarasty Spasov auyldyq äkımdıgınde jaqsy jūmys ıstegenı üşın osyndai joǧary lauazymǧa ie bolǧan. Asqar Jalǧas eş ökınbesten kabinetın kazarmaǧa auystyrǧanyn aitady.
"Jaqsy nätije körsetıp, Spasov auyldyq okrugı äkımınıŋ mındetın atqaruşy bolyp taǧaiyndaldym. Osy qyzmetke qaramastan, mende ärqaşan äskerde qyzmet etuge degen ynta-yqylas boldy. Osy jerge, äue qorǧanysy küşterıne şaqyrylyp, materialdyq-tehnikalyq qamtamasyz etu otriadyna, küzet rotasyna tüstım", - dedı sarbaz.
Asqardyŋ qyzmetı bır-ekı aida aiaqtalady. Ony būrynǧy auyldyq okrugıne - bas maman qyzmetıne kütedı.
"Ol azamattyq boryşyn Otan aldyndaǧy boryşyn öteudı ūiǧardy. 2021 jyldyŋ 1 säuırınen bastap oǧan äskeri boryşyn öteu merzımıne aqysyz eŋbek demalysy berıldı. Osy künge deiın jūmys ornyn saqtap qaldy. Äskerden oralǧan soŋ qyzmetke kırısedı", - dedı Esıl audany äkımı apparatynyŋ personaldy basqaru qyzmetınıŋ basşysy Almas Qospanov.
“Adyrna” ūlttyq portaly
