Şymkent qalasynyŋ äkımı Mūrat Äitenov käsıpkerlık jäne industrialdy-innovasiialyq damu basqarmasynyŋ esebın tyŋdady.
Basqarma basşysynyŋ orynbasary B.Azimberdiev ötken jyldyŋ 12 aiynda atqarylǧan jūmystardy jäne 2022 jyly jüzege asyrylatyn josparlary turaly baiandady.
Şymkentte önerkäsıp salasynda 718 käsıporyn belsendı jūmys jasauda, onyŋ ışınde 605 öŋdeu önerkäsıbınıŋ ülesınde. Osy käsıporyndarmen ötken jyly 784 mlrd. teŋgenıŋ önerkäsıp önımı, al öŋdeu önerkäsıbınde 678 mlrd teŋgenıŋ önımı öndırıldı. Basqarma basşysynyŋ orynbasary aldaǧy bes jylda önerkäsıp önım kölemın 1,7 paiyzǧa arttyru közdelgenın atap öttı.
Sonymen qatar ol ötken jyly negızgı kapitalǧa 462 mlrd. teŋgenınıŋ investisiiasy salynǧanyn aityp, biyl būl mejenı 540 mlrd. teŋgege jetkızu josparlanǧanyn mälım ettı.
Baiandamada aitylǧandai syrtqy sauda ainalymynyŋ ülesın 30 paiyzǧa tömendetu boiynşa 2022-2025 jyldary import almastyruǧa baǧdarlanǧan qūny 472,7 mlrd. teŋgenı qūraityn 61 joba, onyŋ ışınde biylǧy jyly qūny 52,3 mlrd. teŋge bolatyn 16 joba jüzege asyrylmaq. Atap aitqanda tüstı metaldar konsentratyn alu üşın qaldyqtardy qaita öndıru zauyty, aliuminii bankıler öndırısı, tabaq şynydan jasalǧan şyny konstruksiialardy öndıretın käsıporyn, aralas iırımjıp öndırısı, şūlyq būiymdar öndırısı, därılık jäne gigienalyq qūraldar şyǧaratyn öndırıs pen kılemder men kılem būiymdar öndırısı salynady dep josparlanuda.
Qalamyzdyŋ megapolis därejesın aluy köp mümkındıktermen qosa jauapkerşılıkter jükteitının aitqan qala basşysy, Şymkent qalasy elımızdıŋ oŋtüstık öŋırındegı damu lokomativıne ainalu kerektıgın aitty. Ekonomikalyq indikatorlardyŋ oryndaluymen şekteluge bolmaitynyn, investorlarǧa barynşa jaǧdai jasau kerektıgın atap öttı.
Söz soŋynda josparlardyŋ oryndaluy barysynda statistikalyq negızder men analitikalyq taldaular qatar jürgızıluı tiıs ekenın, közboiauşylyqtan arylatyn kez kelgenın jäne qala ekonomikasyna serpın beretın jaŋa ūsynystar kerektıgın jetkızdı.
Şymkent qalasy äkımdıgınıŋ baspasöz qyzmetı
