Qyrǧyzstan men Täjıkstan şekaradaǧy atysty tolyǧymen toqtatu jönınde kelısımge keldı. Būl turaly Qyrǧyzstan Şekara qyzmetı mälımdedı, dep habarlaidy “Adyrna” ūlttyq portaly.
Stan.kz saitynyŋ mälımetınşe, Batken oblysyndaǧy prezident ökılı, Batken oblysy boiynşa şekara basşysy men Täjıkstannyŋ Soǧdy oblysynyŋ gubernatory Radjabb Ahmazoda men qūzyrly organ ökılderı arasynda kelıssöz jürgızılıp, mynadai şeşımge keldı:
- Atysty tolyǧymen doǧaru;
- Şekaraǧa tartylǧan qosymşa küş pen tehnikany kerı qaitaru;
- Batken-İsfana baǧytyndaǧy joldy aşu;
- Şekaralas aimaqtardy janjaldyŋ aldyn alu maqsatynda Qyrǧyzstan men Täjıkstan qūqyq qorǧau organdarynyŋ bırge toruyldauy.
Ekı el delegasiiasy janjal bastalǧan Tort-Kocho aimaǧyna bardy. Qazır Batken-İsfana tas joly aşyq.
Qyrǧyzstan ūsynǧan janjal sebebı
Qyrǧyzstan Şekara qyzmetınıŋ mälımetınşe, Tort-Koch aimaǧyna 17:50 şamasynda tas tielgen jük kölıkterı kelgen. Täjıkstan azamattary tasty tüsırıp, Batken-İsfana jolyn jauyp tastaǧan. Olarmen bırge Täjıkstan şekaraşylary bırge kelgen. Şekara ökılderı kezdesıp, tas joldy qaita aşqan. Degenmen joldyŋ aşylǧanyna qaramastan Chyr-Dobo aimaǧynda Täjıkstan Qyrǧyzstan äskerilerıne oq atqan.
Täjıkstan ūsynǧan atys sebebı
Täjıkstan Qauıpsızdık komitetı ūsynǧan derekterge süiensek, 27 qaŋtarda jergılıktı uaqyt boiynşa 17:20-da Batken oblysyndaǧy Aqsai audanynyŋ 50 şaqty tūrǧyny Hodjai Alo eldı mekenındegı köpırde jinalyp, Täjıkstan azamatynyŋ kölıgın toqtatqan.
Vedomstvo mälımetınşe, er adam Täjıkstan aumaǧynda Hodjai Alo eldı mekenınen İsfara audanyndaǧy Somonien auylyna qūm äketıp bara jatqan.
Habarlanǧandai, qūqyq būzuşylyqtardyŋ aldyn alu üşın Batken oblysy men Soǧdy oblysynyŋ qūqyq qorǧau organy ökılderı kezdesu josparlaǧan.
Komitettegılerdıŋ sözınşe, qyrǧyz tarapy būl kezdesuge kelmeptı.
"Mūnyŋ ornyna jergılıktı uaqyt boiynşa 18:10-da qyrǧyz şekaraşylary atys bekınısterınen Täjıkstan azamattaryna oq atqan", - dedı Täjıkstan Qauıpsızdık komitetı.
“Adyrna” ūlttyq portaly
