Qūrmettı Prezident! Qasym-Jomart Kemelūly!
Rasynda… Jaǧympazdyqty janyŋyz süimeitının bılem, özıŋızge jaǧynu üşın emes, Sızge janym aşyǧannan osy jazbamdy jazyp otyrmyn! Otyz jyl boiǧy madaq pen oda aitqandardyŋ kesırı Sızge kep timesınşı! “Qandy qaŋtar” oqiǧasy qara halyqqa oŋai tigen joq! Jürek pen jüikege qatty soqqy boldy. Halyq älı de es jiia almai, eseŋgırep otyrǧany da jasyryn emes! Qaiǧydan qan jūtyp otyrǧan halyq osy kezde özıŋızden bır auyz jylu söz küttı… Tek özıŋızge jaltaqtap, özıŋızge ǧana ümıt artyp otyrǧan öz ūltyŋyzdy bırınşı jūbatyp alyp, sosyn ǧana älemge jetı tılde sūqbat berseŋız de jarasar edı… Senımnıŋ soŋǧy jügın özıŋızge artqan mynau qaraşa halyq ökpelemes te edı! İä, bütın bır memlekettı jäne onyŋ müddesın saqtap qalu üşın jasaǧan ärbır ısıŋız, ūtymdy şeşımıŋız - halyqtyŋ qoldauyn tauyp, aq batasyn arqalar edıŋız… Älemnıŋ tılınde bergen myna sūqbatyŋyz myŋ jerden dūrys ärı keremet bolǧanymen, etegı jasqa tolyp jūbanyş ızdep otyrǧan halyqty, odan saiyn tepkılep töbelegenmen teŋ boldy! Moiyndau kerek, BIZ onsyzda otyz jyl boiy ruhani “bodandyqta” boldyq! Älemge jaǧu üşın älemnıŋ tılınde sairap, älem bızdı moiyndau üşın barymyzdy… İä, bar bailyǧymyzdy berıp keldık emes pe?! Nätijesınde, öz ūltyŋyz aş-jalaŋaş aianyşty küide öz tılınde nan sūrap köşege şyqty! Halqyŋyz toiyp otyrsa, alaŋǧa şyǧyp nesı bar? Alaŋǧa tek terrorister emes, eŋ bırınşı qolyna jalau ūstaǧan beibıt halyq şyqty! Dūşpandarǧa atylǧan oqtan qasköiler ǧana emes, beibıt halyq ta şeiıt boldy! Bıraq, Memleketke qastandyqty qara halyq emes, qolyna “bilık” berılıp ärı senım artylǧan ŪQK töraǧasy jasap otyr emes pe?! “Provoslavtardyŋ molasyn talqandaǧandardy tauyp jazalaŋdar”, depsız! Al qaŋǧyǧan oqtan qaza bolǧan jazyqsyz jandardyŋ otbasyna köŋıl bölıp, qaiǧysyna ortaqtasuǧa bolmady ma?! Ölgender söilemeidı… Bıraq, sol ölıkterdı qazudy toqtatyŋdar dep aituǧa bolmady ma?! Sonda… Öz qazaǧyŋyzdan sol provoslavtar artyq boldy ma?! Būl bölınu emes, bärıne teŋ qarasaŋyz bolmas pa edı?! San saual…! Ökınış köp… Özegım örtenıp barady! Qūrmettı Prezidentım, qoǧamda bolyp jatqan qazırgı jaittardy közben körıp otyryp, “bärı dūrys boldy” dep jalǧan söileuge Menıŋ arym da, datym da barmady! Qazaqstan üşın, Halyq üşın eselei etken eren eŋbegıŋız elenbei, Sız “Qūrmetsız” bolyp qala ma dep qorqam! Halyqtyŋ nalasynan qorqam! Älemdı emes, eŋ aldymen özıŋızge jäuteŋdep qarap otyrǧan halqyŋyzdyŋ basyn sipaŋyzşy! Būl memleket tek 162 oligarhtan tūrmaidy! Özıŋızge ǧana ümıt artyp, senımmen qarap otyrǧan milliondaǧan qara halyq bar! Qara halyqtyŋ tılı, dılı tek - Qazaq tılınde! Jüregı de, qany da, namysy da - qazaq dep soǧady… “Qandy qaŋtar” oqiǧasy özıme de auyr tiıp, özıŋızden jūbanyş pen jylu söz kütkenderdıŋ bırı özım edım! Älemge bergen sūqbatyŋyzdy körıp otyryp, ünsız qala almadym! Būl jazbamdy janyŋyzdaǧy “keibır jaǧympazdar” dūrys jetkızbeuı de mümkın! Tıptı “oibai sızge qarsy şyǧyp jatyr” dep qudalauy da mümkın! Bärı de mümkın! Bıraq… Hanǧa da dat aitylǧan ! Memleket pen ūltqa degen nietım ärqaşan - tüzu, qūrmetım - şeksız! Prezident ärı Ūlt köşbasşysy retınde Sızdıŋ HALYQ üşın jasaǧan ärı jasap jatqan ärbır ısıŋızdı qoldaimyn! Qūrmet tūtam! Senımım… Älı de artar ümıtım köp!"Adyrna" ūlttyq portaly
