Qaŋtar oqiǧasynda qyrşyn ketken bozdaqtardyŋ ömırı, jaqynynan aiyrylyp, aŋyrap qalǧan jandardyŋ qara tünek basqan köŋılı jürektı qan jylatqan qazırgı kezeŋde Respublika Prezidentınıŋ däl osy sūhbaty sözsız kerek edı.
Älbette, sūhbat aiasynda «Jüienı, jüienıŋ funksiiasyn özgertu, parlament jüiesın, partiialyq jüienı özgertu», «Ūlttyq qauıpsızdık jüiesın reformalau jäne sol jüiedegıkezek küttırmeitın problemalardy şeşu» turasynda aitylǧan oilar kökeige ülken ümıt ūialatady. Būl rette, Qasymjomart Kemelūlynyŋ «Jauapkerşılıktı özıme aldym» degen sözı, Germaniianyŋ üzdık ülgısın tılge tiek etkenı erekşe ızgı äser qaldyrdy.
Ärine, «Jaqsy söz – jarym yrys», tek aitu bar da, jüzege asyru bar. Aitpasqa şara joq, älı künge Almaty halqy ürei üstınde, «tünde ne bop qalar eken?» dep, kırpık aiqastyramyz, «Bügıngı kün tynyş bolsa eken!» dep taŋ atyramyz. Qazaqtan söz qalmaǧan. Ata- babadanasylmūra, amanat bop jetken, oiyp aitatyn, ornyna qoiyp aitatyn kösem, şeşen qasiettı qazaq tılımen aitqanda, tübınıŋ qaiyryn bersın! Syn saǧattaǧy syn sūhbatta aitylǧan ızgı josparlar ızgılıkpen ıske assyn!
Jidegül Äbdıjädılqyzy,
Äl-Farabi atyndaǧy Qazaq ūlttyq universitetı
Baspasöz jäne elektrondy BAQ kafedrasynyŋ dosentı
