Qazaqtyŋ basyna qara būlt üiırılıp, memlekettıŋ daralyǧyna qater tönıp,täuelsızdıgımızdı tärk etıp ala jazdadyq... Äleumettık jelıde qantalap,qūtyrynyp, ırıtkı saludy közdep otyratyn bır toptar bar edı... Solardyŋ köksegenderı bolyp,qan tögıldı, şaŋyraq şaiqaldy, tynyştyq būzyldy. Mäselenıŋ män-jaiyna tüsınıp ülgermegender bülıkşılerdıŋ aitaǧyna erdı, söitıp laŋkesterdıŋ qatatryn tolyqtyrdy, öz jatyryna özı şapty.Odan artyq nadandyq,arsyzdyq,topastyq bola ma?! Degenmen, aitarym qaraly kündı eske salu emes edı...
Jamaǧatqa jau şapqanda basqa bırqatar elder basşylary siiaqty basqa memleketke bas sauǧalamai,elmen bırge bolyp, sarabdal saiasat ūstanǧan Prezidentımız Qasymjomart Kemelūly Toqaevqa alǧys aityp, rizaşylyǧymdy bıldıru bolatyn. Mälımdemesınde de halyqtyŋ qamyn, eldıŋ jaiyn, respublikanyŋ bolaşaǧyn oilaǧan tamaşa jobalar aityldy. Sonyŋ bärın el bolyp, auyzbırlıktıjūrt bolyp, jüzege asyruǧa kırıssek,oidaǧymyz oryndalsa - bızdıŋ el säulettı de, däulettı el bolatyny haq. Oǧan negız mol. Tek alauyzdyq ızdep, öz qaryndarynyŋ qamyn oilaǧan adamdardyŋ , solardyŋ ideialastarynyŋ etekten tartuyna, astyrtyn äreketterıne jol aşpau kerek.
«Halyq aitsa- qalt aitpaidy» degendei osydan tört-bes jyl būryn «K.Mäsımov bır separatistık toptardy basqarady eken» degen sybysty el aityp jürdı. «Otyz tıstı auyzdan şyqqan söz otyz ruly elge taraidy» degen emes pe... «Aisūltan degen jas jıgıttıŋ äleumettık jelıdegı jazbasynda qaruly toptardyŋ tauly-tasty jerlerde jasaqtalyp jatqany turaly jazypty, bıraq ol naşaqor bala ǧoi, ne närsenı jaza beredı de...» dep te jürdı el. Osynyŋ bärı bügın şyndyqqa ainalǧany ökınıştı. Ärine, halyq degen saiasat qalai aidasa solai jüre beretın tobyr emes, äitkenmen de olardyŋ pıkırlerıne qūlaq asyluy tiıs edı.
Ho-o-ş, bolar ıs bolyp, tyndy.Endı aldaǧy ömırdıŋ jarqyndyǧyn oilauymyz qajet. Būl laŋkestık äreket auyr sabaq boldy. Jüz-jüz dep tamaq jyrtpai,ru-ru dep yryldaspai, jappai qazaq bolyp Prezidenttı qoldauymyz kerek. Janyn auyrtpai,jalǧan aitpai,jala jappai kötermeleiık.Ol da Allanyŋ pendesı ǧoi, temırden jaratylmaǧan...
Elbasy N.Nazarbaevtyŋ da egemendık aluǧa qosqan, eldıŋ eŋsesın köteruge sıŋırgen eŋbegı bar, ony körmei körsoqyr boluǧa bolmaidy. Täuelsızdık alǧanymyz jariialanǧanda jartylai aşqaryn otyrsaq ta eŋırep jylaǧanbyz. Oǧan Qūdai kuä. Memlekettıŋ jaǧdaiy öte qiyn bolatyn, Resei öz aqşasyn ainalymnan aldy,teŋge kırıp ülgermedı. Azyq-tülık qat.Bır qolǧa 200 gr.mai, 2 kg. et siiaqty t.b.ölşeulı tamaq beretın kezekke üi-ışımızben taily taiaǧymyz qalmai tügel tūratynbyz. Kışırek sisternamen äkelıp satatyn kök sütke taŋǧy saǧat törtten kezekke tūratynbyz. Aidyŋ aiaǧynda şeteldık kiımder tüsedı eken dep tünnen bastap qarauyldaitynbyz. Ündı şäiın ışudı armandaitynbyz. Şoşqanyŋ etı qosylǧan «Drujba» dep öndırıletın şūjyqqa qol jetse, şoşqa-moşqasyna qaramai talasyp alatynbyz. Osynyŋ bärın menıŋ zamandastarym bıledı. Ondaidyŋ bärın tızıp neǧylaiyn... Qazırgı toiynǧan adamdar şet-jaǧasyn bılsın, täuelsızdıktıŋ qūnyn tüsınsın, ılık şyǧaryp, el ırgesın sökpesın (sögıtpesın) dep aityp otyrmyn.
Qazaq halqy sözdıŋ mänın tüsınıp, bır auyz aqiqat sözge toqtai bılgen, parasat paiymy mol, aqyldy halyq ekenın maqtan tūtamyz. Evropanyŋ talai elderınde, Amerika, Qytai , Türkiia siiaqty bırqatar memleketterde bolǧan saiyn jurnalist bolǧandyqtan jergılıktı halyq ökılderın salystyryp, erekşelıkterımızdı ekşei jüretın daǧdym. Köp jaǧdaida qazaqtyŋ halyq retındegı qasietterın joǧary qoiyp, eldı, jerdı, aqyr aiaǧy suymyzdy aŋsap qaitatynmyn. Öitkenı, Jaratuşy İemız bızden eşteŋenı aiamaǧan eken... Sondyqtan, sol tamaşa qasietterımızdı baǧalai otyryp, memlekettıgımızdı saqtap, eldıgımızdıŋ ruhyn kötereiık. Baǧymyzǧa parasaty mol, bılgenı köp, sarabdal saiasatşy basşyny bergen eken, sony baǧalai bıleiık. Ūrpaǧymyzǧa ūlaǧatty ıster qaldyraiyq! «Büirekten siraq şyǧarmai, tyrnaq astynan kır ızdemei» sanalylyq körseteiık! «Altau ala bolsa auyzdaǧy ketedı, törteu tügel bolsa töbedegı keledı» deitın dana halyqtyŋ ūrpaǧy emespız be es jiaiyq, aǧaiyn!
Klara Qabylǧazina,
Jurnalistika fakultetı, «Baspasöz jäne elektrondy BAQ» kafedrasynyŋ
qauymdastyrylǧan professory
