Şymkent qalasyndaǧy barlyq mektepterde jalpy 242 myŋnan asa bala bılım alsa, olardyŋ 200 myŋǧa juyǧy osy jyly qosymşa bılımmen qamtylady. Būl turaly bılım basqarmasynyŋ basşysy J.Täjieva qala äkımıne 2022 jyly atqarylatyn jūmystar jaiyn baiandau barysynda aitty.
Balalardy qosymşa bılımmen qamtu körsetkışı ötken jyly 73,4 paiyzdy qūrasa, biyl 77,1 paiyzdy qūraityn bolady. Qosymşa bılımmen qamtylǧan oquşylar ülesın köbeitu üşın jan basyna qarjylandyru esebınen mädeniet basqarmasy tarapynan 6000 bala, dene şynyqtyru jäne sport basqarmasy tarapynan 14000 bala, bılım basqarmasy tarapynan 5000 balaǧa qarjy qaralyp, jalpy 25000 bala türlı üiırmeler men sporttyq seksiialarǧa qamtylatyn bolady. Sonymen qatar 60 tan astam mekteptıŋ sport zaldaryn jalǧa beru arqyly sporttyq seksiialar aşylatyn bolady. Odan bölek, jaŋadan zamanaui «Oquşylar» saraiynyŋ qūrylysy bastaldy. Osy jūmystardyŋ aiaqtaluymen 2025 jylǧa deiın oquşylardy qosymşa bılımmen qamtu 100 paiyzǧa deiın jetpek.
Qosymşa bılımsız balalardyŋ äleuetın tolyq aşu mümkın emes ekenın aitqan qala äkımı Mūrat Äitenov är bala qosymşa bılımmen qamtyluy tiıs ekenın atap ötıp, nätijege qol jetkızu üşın naqty tapsyrmalar jüktedı.
«Är balanyŋ sabaqtan tys üiırmeler men seksiialarǧa qatysu mümkındıgı boluy maŋyzdy. Barlyq mektepte sportpen ainalysuǧa jaǧdai jasalu kerek. Memleket basşysynyŋ tapsyrmasyna säikes balalardyŋ memlekettık tapsyrys arqyly jekemenşık ūiymdarda da qosymşa bılım aluyna jaǧdai jasaluda. Sondyqtan jekemenşık sporttyq seksiialar men şyǧarmaşylyq üiırmeler sanyn arttyru baǧytynda jüielı jūmystar atqaryluy tiıs», -dedı qala basşysy.
Basqarma basşysy pedagog märtebesı turaly zaŋǧa säikes qosymşa bılım beru qyzmetkerlerınıŋ de eŋbekaqysy jyl saiyn ösetının jäne sanattar üşın qosymşa aqylary ūlǧaitylatynyn mälım ettı.
Şymkent qalasy äkımdıgınıŋ baspasöz qyzmetı
