Ýkraına prezıdenti Vladımır Zelenskıı armııa sanyn 100 myń adamǵa ulǵaıtý týraly jarlyqqa qol qoıdy, sondaı-aq el ekonomıkasy turaqtandy dep sendirdi, - dep habarlaıdy "Adyrna " tilshisi RIA Novostıge silteme jasap.
Atap ótilgendeı, jarlyqqa Memleket basshysy sessııanyń ashylý saltanatyna kelgen Joǵarǵy Radada sóılegen sózinde qol qoıylǵan.
"Jarlyq barlyq áskerılerdi qarjylyq qoldaýdy eń tómengi jalaqynyń úshten kem emes deńgeıine deıin arttyrýdy kózdeıdi. Sondaı-aq Ýkraına qarýly kúshteriniń sanyn aldaǵy úsh jylda kásibı armııanyń 100 myń adamǵa ulǵaıtý kózdelgen», - dedi Zelenskıı seısenbi kúni Joǵarǵy Radanyń jetinshi sessııasynyń ashylýynda sóılegen sózinde.
Sonymen qatar, merdigerlerdiń qyzmet etý merzimin uzartý kózdelýde. Onyń aıtýynsha, bul jaqynda soǵys bolatyndyǵynan emes, «beıbitshilik bolsyn dep» eldiń kásibı armııaǵa kóshýiniń bastalýyn qolǵa alý maqsatynda.
Sondaı-aq óz sózinde Zelenskıı el ekonomıkasy turaqtanǵanyn, qarjy júıesi baqylaýǵa alynǵanyn aıtty.
"Qarjy júıesinde barlyǵy baqylaýda. Qańtar aıynda bıýdjet kirisi 7 mıllıardqa artyǵymen oryndaldy. Grıvna búgin jaqsy deńgeıde, keshe ol 30 tıynǵa nyǵaıdy, biz josparly jáne turaqty mólsherlemege birtindep qaıta oralyp jatyrmyz. Bir aptaǵa jýyq ýaqyt sol jerde. Bizdiń oblıgaııalarymyz boıynsha halyqaralyq qarjy naryqtarynda oń úrdis boldy. Qarjy álemi Ýkraınanyń bolashaǵyna optımıstik kózqaraspen baǵa beredi», - dedi Zelenskıı parlamenttiń ashylý otyrysynda.
Ol Ýkraınada jetkilikti gaz jáne kómir qory bar ekenin aıtty. Prezıdenttiń aıtýynsha, altyn-valıýta qory rekordtyq deńgeıde qalyp otyr, «bul ártúrli aýytqýlardan qorǵaıdy jáne ekonomıkalyq ımmýnıtetti nyǵaıtady».
Jaqynda Kıev pen Batys memleketteri Reseıdiń Ýkraına shekarasyna jaqyn jerdegi belsendiligine alańdaýshylyq bildirdi. Máskeý eshkimge qaýip tóndirmeıtinin jáne eshkimge shabýyl jasamaıtynyn aıtyp, barlyq aıyptaýlardy joqqa shyǵarady.
"Adyrna" ulttyq portaly
