Ükımet otyrysynyŋ kün tärtıbıne säikes bılım berudı jäne ǧylymdy damytudyŋ jaŋa täsılderı mäselesı köterıldı. Onyŋ bır baǧyty retınde daryndy balalardy qoldau jäne damytu söz boldy.
Şymkentte atalǧan maqsatta daryndy balalar üşın olimpiadalyq rezerv qūryldy. Pändık olimpiada «Oqylyq» avtomattandyrylǧan qaşyqtyqtan oqytu platformasynyŋ proktoring jüiesı formatynda ötude. Olimpiada barysy akademiialyq adaldyqty saqtap, «Adaldyq alaŋy» jobalyq keŋsemen onlain transliasiialandy.
Basqarma janynan daryndy balalardy anyqtaityn «Qabılet» kabinetı aşyldy. Qabilet qyzmetı pilottyq rejimde ıske qosyldy, bırınşı kezeŋde jobaǧa 10-11 jastaǧy oquşylar qatysa alady. Kelesı kezeŋderde jasöspırım balalar qamtylady. «QABILET» qyzmetı jobasynda beiımdelu barysynda jas erekşelıgıne bailanysty türlı nūsqaulyqtarmen qatar, kez kelgen bala öz deŋgeiın anyqtai alatyn platformada ädıs-täsılderdı logikalyq sūraqtarmen ūştastyratyn tapsyrmalar berılgen. Jobada 10-11 jastaǧy oquşylardyŋ qabıletterın psihologiialyq diagnostikalau boiynşa 4K baǧyty jüzege asyryluda. Olar: syni oilau, kreativtılık, kommunikasiia, kollaborasiia. 2021-2022 oqu jylynda Şymkent qalasy boiynşa 10-11 jastaǧy balalardyŋ jalpy sany 47489 oquşy bolsa, onyŋ ışınde testten ötken oquşylar sany bügıngı taŋda 11713 balaǧa jettı. Joba adami kapitaldy qalyptastyruǧa ülken mümkındık bermek.
Odan özge, selektorlyq jiynda QR BǦM A.Aimaǧambetov ziiatkerlık saiystyŋ jeŋımpazdary üşın JOO-na ŪBT tapsyrmai grantqa tüsu, olimpiada jüldegerlerı men oqytuşylaryna syiaqy beru sekıldı qoldau ıs-şaralary qaralyp jatqanyn aitty.
Şymkent qalasy äkımdıgınıŋ baspasöz qyzmetı
