Biyl Şymkent qalasynda 24 196 jaŋa jūmys orny aşylady dep josparlanuda. Qalalyq jūmyspen qamtu ortalyǧynyŋ mälımetınşe, jaŋa jūmys oryndarynyŋ 14 myŋnan astamy tūraqty jäne 10 myŋǧa juyǧy uaqytşa jūmys oryndary bolmaq.
Halyqty jūmyspen jäne baspanamen qamtu, äleumettık qorǧau mäselelerı bügın qala äkımınıŋ orynbasary Erǧali Bılısbekovtıŋ azamattardy onlain qabyldauynda qaraldy. Jalpy jūmyspen qamtu ortalyǧy jūmys beruşıler tarapynan sūranysqa sai ūsynylatyn jūmys oryndaryna joldaidy. Qabyldauda bolǧan tūrǧyndardyŋ keibırı özderı qalaǧan jūmys türlerı tabylmai jatatyndyǧyn jetkızdı. Būl oraida jaŋadan qūrylǧaly otyrǧan jūmys oryndary jūmyssyzdyq deŋgeiın tömendetuge septıgın tigızbek.
Odan bölek, Memleket basşysynyŋ tapsyrmasyna säikes būl jyly 18 myŋnan asa jasty jūmyspen qamtu şaralaryna tartu josparlanuda.
Qabyldau barysynda baspanaǧa mūqtaj azamattar da ötınışterın jetkızdı. Azamattardyŋ bırı uaqytşa baspana sūrasa, endı bırı kezegınıŋ kelmegenıne narazy.
Qala äkımınıŋ orynbasary bügınde tūrǧyn üi kezegıne 48 myŋnan astam azamat tırkelgenın, memlekettık tūrǧyn üi qorynda uaqytşa baspana qarastyrylmaǧanyn, Qazaqstan Respublikasy «Tūrǧyn üi qatynastary turaly» Zaŋyna säikes memlekettık tūrǧyn üi qorynan tūrǧyn üi belgılengen tärtıppen kezek arqyly berıletının jetkızdı.
Arendalyq tūrǧyn üiler köpbalaly otbasylarǧa, halyqtyŋ äleumettık jaǧynan älsız toptaryna jäne jūmys ısteitın jastarǧa berıledı. Al, biudjettık ūiym qyzmetkerlerıne «Nūrly jer» memlekettık tūrǧyn üi baǧdarlamasy aiasynda jeŋıldetılgen nesielık baǧdarlamalary ūsynyluda.
Kezekte tırkelgen azamattardyŋ barlyǧy jeŋıldetılgen ipotekalyq baǧdarlamalar boiynşa baspanaly bola alady. Qabyldau barysynda är tūrǧynnyŋ mäselesı nazarǧa alynyp, tiıstı basqarma basşylaryna bırqatar tapsyrmalar berıldı. Qala basşysynyŋ orynbasary öz tarapynan är azamattyŋ ötınışın jıtı baqylauyna alǧan.
Şymkent qalasy äkımdıgınıŋ baspasöz qyzmetı
