Bügın Şymkent qalasynyŋ äkımı Mūrat Äitenovke jolauşylar kölıgı jäne avtomobil joldary basqarmasynyŋ basşysy E. Joldasov atqarylǧan jäne 2022 jyly jüzege asyrylatyn jūmystar boiynşa esep berdı.
Mälımet boiynşa qalada osy jyly 300 şaqyrym jol jöndelıp, asfalt jol ülesı 67,4 paiyzǧa jetedı.
«2022 jyly 141 nysanǧa qūrylys, jöndeu jūmystaryn atqarudy josparladyq. Atap aitqanda 19 nysanda, iaǧni 51,5 şaqyrym jolǧa qūrylys jäne qaita jaŋartu jūmystary jürgızıledı. 223,8 şaqyrym bolatyn 291 köşe ortaşa jöndeuden ötse, 19,3 şaqyrym jolǧa kürdelı jöndeu jūmystary jürgızıledı»,-dedı basqarma basşysy.
Sonymen qatar, 150 orynǧa aialdama ornatu jäne audan äkımşılıgı tarapynan bekıtılgen köşelerge şaǧal tas töseu josparlanuda.
2021 jyly avtomobil joldary salasynda 137 nysanda (189,7 şq) jöndeu jūmystary aiaqtalǧan. Nätijesı boiynşa qaladaǧy asfalt joldardyŋ ülesı 63,6% jetken. Asfalt joldar ülesın 2022 jyly 67,4%, 2023 jyly 71,2%, 2024 jyly 75%, 2025 jyly 79% jetkızu josparlanuda.
Jol qūrylysy özınıŋ jıtı baqylauynda bolatynyn aitqan qala basşysy joldyŋ sapasyn qūrylys bıtken soŋ emes kemşılıkterdı aldyn ala anyqtap, joiu kerektıgın eskerttı.
Qūrylys-montajdau jūmystaryn atqaru kezınde kemşılıkterge jol berılmeuı kerektıgın, ondai qatelıkter oryn alǧanda merdıger, tehnikalyq jäne avtorlyq qadaǧalauşy mekemelerge aiyppūldar salynatynyn jetkızdı.
Söz soŋynda äkım sala jetekşısıne avtomobil joldarynyŋ sapasyn arttyru boiynşa bırqatar tapsyrmalar berdı.
Şymkent qalasy äkımdıgınıŋ baspasöz qyzmetı
