Sot sarapşylary qaŋtar oqiǧasyna qatysty qanşa saraptama taǧaiyndady?

Qaŋtar aiynyŋ basynda elımızde bolǧan qaiǧyly oqiǧalar kezınde soŋǧy derekterge säikes 225 adam qaza tapty. al olardyŋ ölımıne ne sebep bolǧanyn anyqtau sot sarapşylaryna jüktelgen. Osyǧan orai Qazaqparat tılşısı QR Ädılet ministrlıgınıŋ Sot saraptamasy ortalyǧy direktorynyŋ orynbasary Iliias İsmailovty sözge tartty, dep habarlaidy «Adyrna» tılşısı. - Iliias Jūmaǧaliūly, qaŋtar oqiǧalaryna bailanysty sot-medisina sarapşylary jalpy qandai jūmys jürgızdı? Sol qaiǧyly kezeŋde sarapşylar qalai äreket ettı? - Ol uaqytta QR Ädılet ministrlıgınıŋ Sot saraptamasy ortalyǧy aumaqtyq bölımşelerınıŋ sot-medisina sarapşylarynyŋ jūmysy küşeitılgen rejimde jürgızıldı. Sot-medisina sarapşylary elımızdıŋ zaŋnamasynda közdelgen özderınıŋ qyzmettık mındetterın oryndady. - Qaŋtar qasıretı kezınde mäiıthanaǧa jetkızılgen adamdardyŋ ölımıne ne sebep bolǧan. Oqtan nemese basqa da dene jaraqatynan mert bolǧandar turaly naqty derekter bar ma? Örtengen mürdeler kezdestı me? Banditterdıŋ, būzaqylardyŋ mürdesı jetkızıldı me? Olarǧa jäne beibıt tūrǧyndarǧa qatysty qanşa sot-medisina saraptamasy taǧaiyndaldy? - Sot-saraptama qyzmetı turaly zaŋnamaǧa säikes, sot saraptamasyn ūiymdastyru jäne jürgızu kezınde mälım bolǧan mälımetter jariia etuge jatpaidy. Mūndai mälımetterdı alu üşın ökılettı organdarǧa jügınuge keŋes berer edım. Jalpy, mūndai mälımetterdı jariia etkenı üşın tıptı qylmystyq ta jauapkerşılık közdelgen. - Onda qaŋtar oqiǧasyna bailanysty qanşa sot-medisina saraptamasy taǧaiyndalǧanǧa qatysty derektermen bölısseŋız. Olardyŋ alǧaşqy nätijesı qandai? - Bügınde qaŋtar oqiǧasyna qatysty 2 myŋnan astam sot-medisina, tauarlardy tanu, qūrylys, ört jäne jarylys-tehnikalyq, ballistikalyq saraptamalar jäne saraptamalardyŋ özge de türlerı taǧaiyndalǧan. Būl san kün saiyn özgerıp otyrady desem de bolady. - Jalpy, qaza tapqandardyŋ ölımıne ne sebep bolǧanyn anyqtau üşın qanşa uaqyt ketedı? - Ölım sebebın anyqtau barysy janama zertteuler keşenın jürgızudı közdeidı. Olardyŋ qatarynda himiialyq-toksikologiialyq, biologiialyq, sonymen qatar gistologiialyq zertteuler bar. Osynau zertteulerdıŋ nätijesı özge de mälımettermen jinaqtala kele sot-medisina sarapşylarynyŋ qorytyndy äzırleuı barysynda baǧalauyna jatady. Būl rette gistologiialyq jäne himiialyq-toksologiialyq zertteuler öndırısınıŋ prosesı 20 jäne 25 täulıkke deiın sozyluy mümkın. Bıraq, sarapşylar öndırıstı onyŋ sapasyn ziian keltırmesten jedel aiaqtauǧa tyrysady. - Al öŋırlerde qandai jūmys jürgızıldı? - Joǧaryda atap ötkenımdei, Sot saraptamasy ortalyǧynyŋ barlyq öŋırdegı aumaqtyq bölımşesı küşeitılgen rejimde jūmys ıstedı. Būǧan qosa, jappai tärtıpsızdık faktılerı oryn alǧan öŋırlerge kadrlardy şoǧyrlandyru qajettıgın eskere otyryp, atalǧan oblystarǧa jıberu üşın sot sarapşylarynyŋ jetkılıktı rezervı jasaqtaldy. Qazırdıŋ özınde Almaty qalasynda sarapşylar ştatyn küşeitu üşın qosymşa 26 maman jıberdık. Däl osyndai jūmys Şymkent qalasynda, Jambyl, Qyzylorda, Almaty, Aqtöbe jäne Şyǧys Qazaqstan oblystarynda jürgızıldı. Būl öŋırlerge de qajettı kadrlyq rezerv daiyndau mäselesı jan-jaqty pysyqtaldy. Materialdardyŋ kelıp tüsuıne orai sarapşylar atalǧan öŋırlerge jıberıletın bolady. - Qandai jaǧdaida ölımnıŋ sebebın anyqtau qiyndyq tudyrady? - Ölım sebebın anyqtauda qiyndyq tudyratyn jaittar ıstıŋ naqty jai-japsaryna bailanysty. Aitalyq, ulanu, küiık şalu jäne basqalary. Mūndai jaǧdaida ölımnıŋ sebebın anyqtau üşın joǧaryda atap ötken zertteulerdıŋ janama ädısterı qoldanylady.