Mäjılısmender jalaqydan jalaqyǧa deiın ömır süretınderın aitady. Būǧan qaramastan olar moratoriige qarsy şyqpady. Bırauyzdan aldaǧy 5 jyl jalaqylarynyŋ öspeitınımen kelıstı, dep habarlaidy “Adyrna” ūlttyq portaly KTK arnasyna sılteme jasap.
"Jalaqy tüsetın bank kartasy jūbaiymda. Ol ai saiyn 630-650 myŋ teŋge tüsetının aitady. Ettı auyldan, tuystarymnan alamyz. Bılesızder, qazır infliasiia, baǧalar köterılude. Sondyqtan jalaqydan jalaqyǧa deiın ömır süremız deuge bolady", - deidı Mäjılıs deputaty Erlan Sairov.
5 jyl jalaqynyŋ öspeuı turaly moratorii ministrler men äkımder jalaqysyna da qatysty bolady. Memlekettık qyzmetkerlerdıŋ jalaqysy jetkılıktı deŋgeide degen Prezident osyndai şeşım qabyldaǧan edı. Al özge jūmysşylardyŋ jalaqysy kerısınşe öse tüspek.
Jalaqy mäselesı 2021 jyldyŋ soŋyna qarai qyzu talqyǧa tüsken. Būl kezde ministrlerdıŋ ortaşa jalaqysy 900 myŋ, al oblys äkımderı 1,8 million teŋge alatyny belgılı bolǧan edı. Al Mäjılıs deputattary öz ailyqtarynyŋ 500 ben 800 myŋ aralyǧynda ekenın mälımdegen. İnfliasiiaǧa qaramastan deputattar moratoriige qatysty qarsylyqtaryn bıldırmedı.
"Qazırgı jalaqy jetkılıktı deuge bolady. Sebebı būǧan deiıngı lauazymdarda mūndai jalaqy almaǧanmyn. Men üşın būl äjepteuır somma. Ömır süru üşın jäne basqa ideialardy jüzege asyruǧa jetedı dep oilaimyn", - dep mälımdedı Mäjılıs deputaty Elnūr Beisenbaev.
“Adyrna” ūlttyq portaly
