«Nur Otan» partiiasynyŋ Töraǧasy Qasym-Jomart Kemelūly Toqaevtyŋ qaulysymen keşe partiianyŋ Atqaruşy hatşysy bolyp Oralov Ashat Razdyqūly taǧaiyndaldy.
Ashat Razdyqūlyn jaŋa qyzmetımen şyn jürekten qūttyqtaimyn!
Ol - Mäskeudegı halyqaralyq qatynastar universitetın bıtırgen käsıbi diplomat. L.Gumilev atyndaǧy EŪU universitetın tämamdaǧan soŋ, sol oqu ornynda Äleumettık-tärbie jūmystary departamentınıŋ jastardy ūiymdastyru bölımınıŋ bas mamany boldy. Jastardyŋ türlı problemasyn kün tärtıbıne şyǧaryp, tüiıtkıldı mäselelerdıŋ oŋtaily şeşıluıne äser ettı. Elordamyzdyŋ Jastar saiasaty basqarmasynyŋ basşysy retınde de belsendı jūmys ıstedı. Memlekettık saiasattyŋ negızgı baǧytynyŋ bırı - jastar sektory desek, Ashat bauyrymyz osy salany qoldauǧa arnalǧan äleumettık, qūqyqtyq, ekonomikalyq şaralardy şeber üilestırdı. “Jas otan” jastar qanatynyŋ köşbasşysy bolǧan kezde de atalmyş ūiym qyzmetı jaŋa deŋgeige köterıldı.
Pavlodar oblysy äkımınıŋ äleumettık salalar häm ideologiia jönındegı orynbasary, QR Aqparat jäne qoǧamdyq damu ministrlıgınıŋ vise-ministrı, elorda äkımınıŋ orynbasary siiaqty jauapty qyzmetter atqardy.
Äkımnıŋ orynbasary retınde bılım beru, jastar, mädeniet, dın, densaulyq saqtau, jalpy äleumettık salalardaǧy şielenısken problemalardy qadaǧalap, jetıldıru jūmystaryn joǧary deŋgeide ūiymdastyra aldy.
Ol qazaqylyqtyŋ iısı aŋqyǧan qarapaiym otbasynda tärbielengen. Qazaq tarihyn tereŋ bıledı. Tarihi tūlǧalarymyzdyŋ ömır joly men qyzmetın jan-jaqty zerttep, zerdelegen ızdenımpaz azamat. Pavlodar oblysy äkımınıŋ orynbasary lauazymynda bolǧanda qala mektepterıne, köşelerıne elge eŋbegı sıŋgen ūlttyq tūlǧalaramyzdyŋ esımın beru turaly bastama köteruı de sol ūltjandylyǧynyŋ dälelı dep oilaimyn. Kereku ortalyǧyndaǧy bır ülken köşege oişyl Mäşhür Jüsıp Köpeiūly atynyŋ berıluı de sol kezdegı basty jaŋalyqtyŋ bırı bolǧan edı. Astanamyzda Äl-Farabi, Ybyrai Altynsarin Jūmabek Täşenov, Jaqsylyq Üşkempırov syndy dara tūlǧalarymyzdyŋ eskertkışterınıŋ aşyluy men mektepterdıŋ Mūstafa Şoqai, Näzır Töreqūlov, Smaǧūl Säduaqasūly, Mūhtar Äuezov, Iliias Esenberlin, Qanyş Sätpaev, Bauyrjan Momyşūly, Qaiym Mūhamedhanov sekıldı ūlt maqtanyştarynyŋ attarymen ataluynda Ashattyŋ da erekşe eŋbegı bar. Elge qūrmettı ziialy qauym ökılderımen aqyldasyp, keŋesıp otyratyn biiazylyǧy da - jastarǧa ülgı.
Memlekettık qyzmette äbden ysylǧan, kez kelgen ıstı döŋgeletıp, üilesımdı jürgızetın, Prezident jastar kadrlyq rezervınıŋ müşesı, ısker Ashat Razdyqūly jaŋa qyzmetınde de abyroily bolatynyna senemın jäne sättılık tıleimın!
Rinat KERTAEV
