Bügın qala äkımı Mūrat Äitenovtıŋ qatysuymen Şymkent qalasy Käsıpkerler palatasy Öŋırlık keŋesınıŋ keŋeitılgen otyrysy öttı. Kezdesu barysynda biznes salasyndaǧy mäseleler men ūsynystar talqylandy.
Jiynda söz alǧan qala äkımı Memleket basşysynyŋ ekonomikany ärtaraptandyru, importqa täueldılıktı barynşa azaitu, qoǧamdyq äl-auqatty arttyru sekıldı mäselelerdı şeşu boiynşa bergen tapsyrmalaryn tyŋǧylyqty oryndau qajettıgın aitty.
- Ötken jyly barlyq nysanaly indikatorlarǧa qol jetkızıp, qalamyzdyŋ äleumettık-ekonomikalyq damuynda oŋ dinamika baiqaldy. Būl jylǧy meje odan da joǧary. El damuyndaǧy oŋ özgerıster biznespen tıkelei bailanysty bolǧandyqtan saiasi reformalardy bırlese jüzege asyru kerekpız. Memleket käsıpkerlıktı damytu üşın qolaily orta qalyptastyryp, käsıpkerler qoǧamǧa, halyqqa qyzmet etse, būl öz kezegınde eldıŋ äl-auqatyn arttyruǧa, tūrmys deŋgeiın köteruge yqpal etetındıgı sözsız. Osyǧan orai qalamyzdyŋ biznes ökılderın jaŋa jobalardy bırlese jüzege asyruǧa şaqyramyn. Äkımdık tarapynan barlyq qoldau şaralary bolady, - dedı M.Äitenov.
Qaŋtardaǧy jappai tärtıpsızdık nätijesınde 33 käsıpkerlık subektısı türlı deŋgeide zardap şegıp, 238,8 mln.teŋge şyǧynǧa ūşyraǧanyn, 19 biznes nysanynyŋ qyzmetı qalpyna keltırılıp, qalypty rejimde jūmys ıstep jatqanyn aitty. Zardap şekkenderdıŋ käsıpterı tolyq qalpyna keltırıletının jetkızdı.
Şymkentte koronavirustyq pandemiiaǧa «Qarapaiym zattar ekonomikasy» baǧdarlamasy sättı jüzege asyryluda. Baǧdarlama şeŋberınde bügıngı künı 64 mlrd.teŋgege 77 jobany qarjylandyru maqūldanǧan. «Biznestıŋ jol kartasy» baǧdarlamasynda salalyq şekteulerdıŋ alynyp tastaluyna bailanysty şaǧyn käsıp arasynda joǧary sūranysqa ie bolyp, 2021 jyly 50,9 mlrd.teŋge somasyna 1523 ŞOB-pen şartqa qol qoiylǧan. Būl rette investisiialyq ştab jūmysynyŋ tiımdılıgın atap ötuge bolady. Aşyq alaŋ biznes mäselelerın jedel şeşuge kömektesıp, investisiia tartudyŋ qūralyna ainaldy.
Kezdesude käsıpkerler biznestıŋ damuyna kedergı keltıretın özektı mäselelerdı aityp, atqaruşy bilık ökılderımen şeşu joldary ūsynyldy.
Şymkent qalasy äkımdıgınıŋ baspasöz qyzmetı
