Şymkent qalasynda biyl 223,8 şaqyrym bolatyn 291 köşege ortaşa jöndeu jūmystary jürgızıledı. Onyŋ ışınde 21,2 şaqyrymy magistraldy köşe, 202,6 şaqyrymy ışkı oram köşeler.
Ortaşa jöndeu jūmystary jürgızıletın köşelerdıŋ 61,6 şaqyrymy Abai audanyna tiesılı bolsa, 10 şaqyrymy Äl-Farabi audanynda, 60,5 şaqyrymy Qaratauda, al 70,5 şaqyrymy Eŋbekşı audanynda jürgızıledı.
Jalpy qalada 2025 jylǧa deiın ūzyndyǧy 1000 şaqyrym şamasynda bolatyn jol ortaşa jöndeuden ötkızu josparlanuda. Nätijesınde jaqsy jäne qanaǧatty jaǧdaidaǧy joldar ülesın 79 paiyzǧa jetkızu közdelude.
Şymkent qalasy äkımdıgınıŋ baspasöz qyzmetı
