Şymkent qalasy äkımınıŋ orynbasary Erǧali Bılısbekov apta saiyn tūrǧyndardy onlain türde qabyldap, olardyŋ ötınış-talaptarynyŋ oryndaluyn baqylauǧa alyp keledı. Būl öz kezegınde halyq pen bilık arasynda tıkelei qarym-qatynastyŋ nyǧaiyp, tüitkıldı mäselelerdıŋ zaŋ aiasynda oŋ şeşıluıne septıgın tigızude. Sanitarlyq talapqa sai qaşyqtan ötkızılıp jatqan qabyldau būl joly oflain kezdesuge jalǧasty.
Üş saǧatqa juyq kezdesude qala basşysynyŋ orynbasary tūrǧyndardyŋ aryz-şaǧymdary, ötınışterı men ūsynystaryn tyŋdady. Negızgı sūraqtar tūrǧyn üi jäne jūmyspen qamtu, äleumettık kömek jäne mümkındıgı şekteulı azamattardyŋ özektı mäselelerı boldy.
Qala basşylyǧymen kezdesude bolǧan tūrǧynnyŋ bırı Madina Taijanova. 3 balasy tua bıttı auyr sozylmaly auruǧa şaldyqqan. Erekşe balalardy asyrauşy ana medisinalyq mekemelerden tegın berıletın preparattardan bölek emge tiımdı qymbat baǧaly «Sabril» preparatyn sūrauda. Alaida, Şymkent qalasy boiynşa densaulyq saqtau salasynda būl därı-därmek tırkelmegen. Qala äkımınıŋ orynbasary atalmyş sūraq boiynşa QR Densaulyq saqtau ministrlıgıne hat joldamaq.
Kezdesu barysynda Erǧali Bılısbekov naqty saualdar boiynşa QR Parlamentı Mäjılısınıŋ deputattarymen tıkelei telefon arqyly söilesıp, tūrǧyndardyŋ ötınışterın jetkızdı. Al, jergılıktı deŋgeide şeşımın tabuǧa tiıs sūraqtar boiynşa qalalyq densaulyq saqtau basqarmasy men basqa da jauapty sala basşylyqtaryna naqty ärı belgılengen uaqyt ışınde jüzege asyruǧa bırqatar tapsyrmalar berıldı. Jinalǧan qauym qalalyq jūmyspen qamtu jäne äleumettık qorǧau, tūrǧyn üi basqarmasy basşylary men qyzmetkerlerınıŋ dörekılıgıne, halyqpen söileskende aşuşaŋdyqqa boi aldyratyndyǧyn aityp şaǧymdandy. Köp jaǧdaida äkımdıkte ötetın jinalystan bosamaityndaryna narazy. Erǧali Däuletbekūly būl şaǧymǧa bailanysty basqarma basşylarǧa eskertu jasady.
Tūrǧyndar mügedektıktı taǧaiyndaityn medisinalyq äleumettık saraptama jūmysyna qatysty da talap-tılekterın jetkızdı. Būl mäselege qatysty ūsynystaryn hat jüzınde joldaularyn jäne aldaǧy uaqytta proseduralar men erejelerge qatysty mümkındıgı şekteulı jandardyŋ ötınışterın bırge qaraitynyn atap öttı.
Qala äkımınıŋ orynbasary bır aidan soŋ däl osy tūrǧyndardy qaita qabyldap, mäselelerınıŋ şeşılu nätijesın zerdeleitın bolady.
Şymkent qalasy äkımdıgınıŋ baspasöz qyzmetı
