Shymkent qalasy ákiminiń orynbasary Erǵalı Bilisbekov apta saıyn turǵyndardy onlaın túrde qabyldap, olardyń ótinish-talaptarynyń oryndalýyn baqylaýǵa alyp keledi. Bul óz kezeginde halyq pen bılik arasynda tikeleı qarym-qatynastyń nyǵaıyp, túıtkildi máselelerdiń zań aıasynda oń sheshilýine septigin tıgizýde. Sanıtarlyq talapqa saı qashyqtan ótkizilip jatqan qabyldaý bul joly oflaın kezdesýge jalǵasty.
Úsh saǵatqa jýyq kezdesýde qala basshysynyń orynbasary turǵyndardyń aryz-shaǵymdary, ótinishteri men usynystaryn tyńdady. Negizgi suraqtar turǵyn úı jáne jumyspen qamtý, áleýmettik kómek jáne múmkindigi shekteýli azamattardyń ózekti máseleleri boldy.
Qala basshylyǵymen kezdesýde bolǵan turǵynnyń biri Madına Taıjanova. 3 balasy týa bitti aýyr sozylmaly aýrýǵa shaldyqqan. Erekshe balalardy asyraýshy ana medıınalyq mekemelerden tegin beriletin preparattardan bólek emge tıimdi qymbat baǵaly «Sabrıl» preparatyn suraýda. Alaıda, Shymkent qalasy boıynsha densaýlyq saqtaý salasynda bul dári-dármek tirkelmegen. Qala ákiminiń orynbasary atalmysh suraq boıynsha QR Densaýlyq saqtaý mınıstrligine hat joldamaq.
Kezdesý barysynda Erǵalı Bilisbekov naqty saýaldar boıynsha QR Parlamenti Májilisiniń depýtattarymen tikeleı telefon arqyly sóılesip, turǵyndardyń ótinishterin jetkizdi. Al, jergilikti deńgeıde sheshimin tabýǵa tıis suraqtar boıynsha qalalyq densaýlyq saqtaý basqarmasy men basqa da jaýapty sala basshylyqtaryna naqty ári belgilengen ýaqyt ishinde júzege asyrýǵa birqatar tapsyrmalar berildi. Jınalǵan qaýym qalalyq jumyspen qamtý jáne áleýmettik qorǵaý, turǵyn úı basqarmasy basshylary men qyzmetkerleriniń dórekiligine, halyqpen sóıleskende ashýshańdyqqa boı aldyratyndyǵyn aıtyp shaǵymdandy. Kóp jaǵdaıda ákimdikte ótetin jınalystan bosamaıtyndaryna narazy. Erǵalı Dáýletbekuly bul shaǵymǵa baılanysty basqarma basshylarǵa eskertý jasady.
Turǵyndar múgedektikti taǵaıyndaıtyn medıınalyq áleýmettik saraptama jumysyna qatysty da talap-tilekterin jetkizdi. Bul máselege qatysty usynystaryn hat júzinde joldaýlaryn jáne aldaǵy ýaqytta proedýralar men erejelerge qatysty múmkindigi shekteýli jandardyń ótinishterin birge qaraıtynyn atap ótti.
Qala ákiminiń orynbasary bir aıdan soń dál osy turǵyndardy qaıta qabyldap, máseleleriniń sheshilý nátıjesin zerdeleıtin bolady.
Shymkent qalasy ákimdiginiń baspasóz qyzmeti
