Bügın Şymkent qalasynyŋ äkımı M.Äitenov qalalyq jaily ortany damytu basqarmasynyŋ osy jyly atqarylar jobalarymen tanysty. Ötken jyldyŋ esebın alyp, kemşılıkter boiynşa bırqatar tapsyrmalar berdı.
Basqarma basşysynyŋ mälımetınşe, jasyl beldeuge - 1 267 500 dana, köşe boiyna – 50 dana, saiabaqtar men gülzarlarǧa – 4 myŋ dana, A.Asqarov atyndaǧy dendrosaiabaqqa – 15 myŋ dana aǧaş otyrǧyzu josparlanuda. erekşe qorǧaudaǧy Qoşqar ata aumaǧyn qaita qalypqa keltıruge jäne denrosaiabaq aumaǧyn avto suaru jüiesın ornatuǧa jobalyq-smetalyq qūjattar äzırlenetın bolady. Odan bölek, dendrologiialyq saiabaq aumaǧyn qorşap, maket pen tölqūjat jaŋartylady.
Tūrǧyndardyŋ jailylyǧy, qala körkı üşın 7 gülzar salu josparlandy: Tömengı Otyrar ş/a, Syra zauytynyŋ aldy, Nūrsat ş/a №205 jäne 217-218 köp qabatty tūrǧyn üi maŋynda, MJK Esıl men Kamal köşelerınıŋ aralyǧy, qala kıreberısındegı «Kılt» aumaǧy, Terıskei ş/a arbat salu.
M.Äitenov qalanyŋ ekologiialyq mäselelerın keşendı şeşu boiynşa josparly türde jūmystar atqarudy, rūqsat etılmegen qoqys tastaityn oryndardy joiudy tapsyrdy. Qaldyqtardy kädege jaratu üşın, bölek jinau tärtıbın engızu qajettıgın, egılgen aǧaştarǧa kütım men qorǧau şaralaryn jürgızudı jüktedı.
Şymkent qalasy äkımdıgınıŋ baspasöz qyzmetı
