Estıtin memlekettiń basshylary, Qazyǵurt Aýdanyndaǵy halyqtyń zar-muńyna qulaq túrińizder!
QR Prezıdenti Qasym-Jomart Toqaevqa;
QR Premer-Mınıstri Álıhan Smaılovqa;
QR Parlamenti májilisiniń depýtattaryna.
Mynaý vıdeo fragmente sóılep otyrǵan Túrkistan bolysy, Qazyǵurt aýdanynyń ákimi Arman Abdýllaev. Arman Abdýllaevtyń aıtýynsha, Túrkistan oblysy, Qazyǵurt aýdany, Altyntóbe aýyly okrýginiń jerleri Qazaqstan Respýblıkasynyń jerleri emes. Bul Qazaqstan Respýblıkasynyń terrıtorııasyna kirmeıdi. Nege?
Sebebin sizderge bylaısha túsindirip bereıin:
1. Arman Abdýllaev Altyntóbe aýyly okrýgindegi jerin daýlap otyrǵan halyqqa kelip, men senderdiń máselelerińdi sheship bere almaımyn, sheship beremin dep te ýáde ete almaımyn dep otyr. Halqynyń máselesin sheship bermese, ákim myrza ne úshin halyqtyń aldyna kelip otyr!? Sebebi, Altyntóbe aýyly okrýgi Qazaqstan Respýblıkasynyń terrıortııasyna kirmeıdi. Arekeń QR "Jer Kodeksiniń" 103-baby Altyntóbe aýyly okrýgine qarastyrylmaǵan dep, azamattardyń talabymen, ýájimen kelispeı otyr.
Areke, muny qalaı túsinemiz!?
2. Altyntóbe aýyly okrýginiń jerleri Qazaqstan Respýblıkasynyń terrıtorııasyna kirmegendikten, osynda otyrǵan jergilikti halyqtyń 30 jyl boıy quqy taptalyp, 30 jyl boıy óziniń zańdy múddesinen aıyrylyp, zar ılep otyrǵany aýdan ákimi Armandy alańdatpaıdy.
Areke, muny qalaı túsinemiz!?
Areke, siz keshe ǵana keldim dep halyqtyń aldynda aqtalyp otyrsyz. Sizden aldyńǵy ákimderdiń de halyqqa jaqsylyq jasaǵany shamaly edi. Sizden aldyńǵy ákim qaralar halyqtyń jerin tartyp alyp, qý taıaqty qushaqtatyp jibergenine shırek ǵasyrdan asyp, 30 jylǵa taıapty.
Siz aıtyp otyrsyz, QR "Jer Kodeksiniń" 103-baby Altyntóbe aýyly okrýgine qarastyrylmaǵan dep. Demek, Altyntóbe aýyly okrýgi Qazaqstan Respýblıkasynyń terrıtorııasynda emes.
QR "Jer Kodeksiniń" 103-baby boıynsha jergilikti turǵyndardyń árbiri sharty jer úlesin alýǵa quqyly edi. Biraq sizdiń aıtýyńyzsha, bul zańnan sizdiń halyqty aldaýsyrata aıtqan sózińizdiń salmaǵy aýyr tartyp tur. Keshirińiz! Sizdi munsha qudiretti dep oılamappyn.
QR "Jer Kodeksiniń" 103-babynda kózdelgen azamattardyń shartty jer alý quqyǵy QR Konstıtýııalyq zańdarynda kózdelgen dáleldeýdi qajet etpeıtin mán-jaılar bolyp tabylatyn edi. Biraq, ókinishke oraı olaı bolyp tabylmaıdy eken. Olaı bolyp tabylmaıtynyna endi kózimiz jetip otyr.
Areke, siz basqaryp otyrǵan Qazyǵurt aýdanyna qarasty Altyntóbe aýyly okrýginiń halqy 30 jyl boldy, áli ózderiniń týǵan ólkesindegi jerlerine qojaıyndyq jasaı almaýda. Halyqtyń qolyna ákimshilik apparatyn menshiktep alǵandar memlekettik aktini berer túri joq. Jerdi sizdiń aldyńyzdaǵy ákimder halyqtyń quqyn eskermeı, korporaııaǵa ótkizip jibergen. Ózderi qaltalary tolǵansha paıdalanǵan. Sodan halyqtyń berekesi ketti. Azamattarymyz bir birin jaý sanap, bir biriniń jaǵyn syndyryp jatqanyn, sotta azamattyq ispen qaralatyn isterdiń bárin qylmystyq ispen qarap, halyqty qorqytyp ustaımyz dep oılaısyzdar ma? Munyń bárin siz bes saýsaǵyńyzdaı bilip otyrǵan adamsyz ǵoı. Úmiti dirdektep turǵan halqyńyzdyń quqy men múddesin siz qorǵamasańyz, Baıden men Pýtın kelip qorǵaı ma!?
Al, Kórshi okrýgterdiń halqynyń jaǵdaıy bizdiń okrýgten 15 jyl alǵa shyǵyp ketken. Olardyń jerleri ózderine taratylyp berilgen, al, Altyntóbe aýyly okrýginiń halqyna QR "Jer Kodeksiniń" 103-babyna saı jer úlestirilip berilýi qarastyrylmaǵan degen ýájińizdi halyqtyń aldynda dáleldep berińizshi! Sizdiń azamattyǵyńyzdy sonda kóreıik!
Areke, aýdannyń ákimi retinde Altyntóbe halqyna ınvestıııa tartyp, halyqtyń áleýmettik jaǵdaıyn jaqsartyp, jumys kózin ashpaı-aq qoıyńyzshy! Sizden ony suramaı-aq ta qoıaıyq. Siz halyqtyń óz jerin ózine qaıtaryp berýge úles qosýdyń ornyna, QR-da Zańsyz qurylym bolyp otyrǵan, halyqtyń úlesin, ulttyq bıýdjetti saýyn sıyr qylyp otyrǵan, jerin menshiktep alǵan Áleýmettik kásipkerlik korporaııalardyń sózin sóılep, az ǵana toptyń úddesin qorǵap otyrǵanyńyzdy men jaqsy túsinemin! Nege dep aıtpaı-aq qoıaıyn. Halyqqa óziniń jeri kerek. Sizden halyq aldyńyzǵa baryp artyq eshteńe de surap otyrǵan da joq qoı. Halyqqa jeri berilse, óz sharýasyn ózi atqara beredi.
Aýyl azamattary jumys jasaıyn, kásip qylaıyn dese jeri joq. Úı salaıyn dese, taǵy jeri joq. Jumyssyz qańǵyrǵan, azyp-tozǵan jastardyń taǵdyry sizdi oılandyrmaı ma!?
Areke, mynaý aldyńyzda sóılep otyrǵan halyqtyń Qazaqstan Respýblıkasynyń táýelsizdik alǵannan beri jeri jatqa ketip, quqy qorǵalmaǵan, múddesi qaıtarylmaǵan. QR-daǵy alǵashqy jekeshelendirý jyldarynda, odan keıingi 3 ret jekeshelendirý naýqanynda bul halyq óziniń memleketten úlesin almaǵan. Sol 1991-1993 aýyr jyldary jekeshelendirý naýqanynda óziniń úlesin ala almaǵan mynaý halyq turmystyń aýyr taýqymetin basynan ótkerip, bir bólke narǵa zar bolyp, ábden qorlyq kórdi. Bizdi asyrap baqqan ata-analarymyz bizge áýpirimdep tapqan bıdaıyn qýyryp berip asyraǵan edi. Sońynda basshylyq jerlerin qabat-qabat mekemelerge ótkizip, óz basymen qańǵyrtyp jibergen. Sonda da mynaý halyqty aıamaısyńdar ma!?
Areke, «Memlekettik aýylsharýashylyǵy kásiporyndarynyń múlkin jekeshelendirý negizderi týraly» Qazaqstan Respýblıkasynyń 1992 jylǵy 14 qańtardaǵy Zańyna jáne Qazaqstan Respýblıkasynyń 1995 jylǵy 23 jeltoqsandaǵy №2721 «Jekeshelendirý týraly» Zańdary negizinde bul halyq 30 jyl buryn menshik ıesi bolyp tabylýy kerek edi. Biraq ony eskerer basshylyq bolmady. Sizden aldyńǵy ákim qaralar bul halyqtyń quqyn qasaqana taptaǵan.
Ábden janshylyp, quqy taptalyp otyrǵan halyqtyń quqyn ary qaraı taptaýdyń kezegi sizge kelip jetti me!?
Mynaý sózderińiz ne sóz!?
Siz jaqynda halyqtyń ortasyna kelip, kezdesý ótkizemin dep otyr ekensiz. Sizge osy suraqtarǵa jaýap berýińizdi, halyqtyń óz jerin qaıtaryp berýdi talap etemiz. Biz osy ýaqytqa deıin ótinetin edik, endi tek talap etemiz.
"Adyrna" ulttyq portaly
