Almaty oblysy Alaköl audanynda 5 säuırde bolǧan dauyl jergılıktı tūrǧyndardy şoşytty. Alaköl audanyndaǧy Köktūma aulynyŋ tūrǧyndary sudyŋ qatty şaiqalǧanyn aitady.
Būl turaly Vaq.kz Tengrinews.kz saityna sılteme jasap habarlady. Ainūr Qūnanbaeva atty jergılıktı tūrǧyn otbasy üşın alaŋdaǧan. «Men özım Dostyqta jürmın (stansiia — avtor.), jūmysym sonda. Köktūma auylynda anam, ınım tūrady. Tuǧan-tuysqandarymnyŋ bärı sonda. Keşe qūrbym WhatsApp arqyly jıberdı. Poiyzben Dostyqqa kelgen auyldastarymyz jeldıŋ taŋnan bastap soǧa bastaǧanyn aitty. Jel keşkı törtten keiın bıraq saiabyrlapty», — deidı Ainūr Qūnanbaeva.
Sonymen qatar, WhatsApp messendjerı arqyly audarylyp qalǧan jük kölıgınıŋ videosy taralyp jatyr. Videoda er adam kölıktıŋ jelden töŋkerılıp qalǧanyn aitady. Alaida Alaköl audany äkımdıgınıŋ resmi mälımetı boiynşa, kölık jel saldarynan audarylmaǧan, öitkenı ol aumaqta jeldıŋ küşı qalyptan tys bolmady.
Al «Qazgidromet» RMK ökılderınıŋ habarlauynşa, 2018 jyldyŋ 5 säuırınde Almaty oblysynda jeldıŋ küşı sekundyna 23 metr jyldamdyqpen soqqan. 5 säuırde saǧat 12:00 şamasynda Jalaŋaşköl meteostansiiasy maŋynda jel jyldamdyǧy sekundyna 38 metrge deiın jetken. Joŋǧar qaqpasyna mūndai jel tän eken, öitkenı būl anomaldy aimaq bolyp esepteledı. Būl aimaqta Qazaqstan boiynşa eŋ küştı jel soǧady.
Sinoptikter boljam jasaǧanda Alaköl aumaǧyn bölek belgıleidı, qazan ainyŋ ortasynan säuırdıŋ ortasyna deiın mūnda — jel «mausymy».
jasqazaq.kz
