Qaŋtar oqiǧasynan keiın Taldyqorǧan qalasynda ūstalǧan 20 jastaǧy Erbol Ydyrysovtyŋ anasy qamaudaǧy ūlyn ütıkpen küidırıp jatqanyn mälımdedı, dep habarlaidy Orda.kz saityna “Adyrna” ūlttyq portaly sılteme jasap.
Mädina Smaǧūlovanyŋ aituynşa, onyŋ ūly 12 qaŋtarda därı-därmek satyp aluǧa därıhanaǧa baryp, qala şetınde ūstalyp, uaqytşa ūstau izoliatoryna qamalǧan. Oǧan ūlymen kezdesuge tek 9 aqpanda rūqsat berılgen.
Ūly anasyna ony jäne basqa da tūtqyndardy qūqyq qorǧau qyzmetkerlerı ūryp-soǧyp, qaru alǧanyn jäne olardyŋ qaida saqtalǧanyn bılemız dep moiyndauǧa mäjbürlegenın aitqan.
«Qarsylyqtarǧa jauap retınde olarǧa: «Osynda qalasyŋdar» dep ūryp-soǧyp, tepkılep, denelerıne ütık basqan. Balam denesındegı qaraiǧan taŋǧyşty körsettı. Büiregı men ışı jaraqattanǧan. Irıŋdei bastaǧanǧa ūqsaidy. Menıŋ talaptarymnan keiın ǧana türme därıgerlerı tekserıp, taŋǧyşty jaŋartty» deidı Mädina Smaǧūlova Azattyq radiosyna.
Ol sondai-aq balasynyŋ denesınde aiaǧy men arqasynan kögergen jerlerdı körgenın aitty.
Mädina Smaǧūlova qūqyq qorǧauşylar men belsendıler habarlasyp jatqanyn, älı advokat jaldai almaǧanyn alǧa tartty. Ol ūlynyŋ naqty qandai küdıkke ılıngenın, qandai sot aktılerı şyǧarylǧanyn bılmeidı.
Äzırge Erbol Ydyrysovqa qatysty resmi organdar eşqandai aqparat bermedı.
“Adyrna” ūlttyq portaly
