«Şymkent qalasy boiynşa 48 623 azamat tūrǧyn üi alu kezegıne tırkelgen. Biyl baspana kezegındegı 1605 azamatty satyp alu qūqynsyz jalǧa berıletın tūrǧynjaimen qamtamasyz etu, al 2096 azamatqa kredittık tūrǧynüi baǧytymen baspana beru josparlanyp otyr. Osy jyldyŋ nauryz-säuır ailarynda 260 otbasyn «Baqytty otbasy» baǧdarlamasy aiasynda baspanamen qamtu üşın limit bölınbek». Būl turaly Şymkent qalasy äkımdıgınıŋ aqparattyq-kommunikasiialyq ortalyǧynda ötken brifing barysynda qalalyq tūrǧyn üi basqarmasynyŋ basşysy Ǧalymjan Utenbaev mälımdedı.
Basqarma basşysynyŋ mälımdeuınşe, Şymkent qalasy boiynşa tūrǧyn üi alu tızımınde 48 623 azamat bar. Onyŋ 1819-y jetım jäne ata-anasynyŋ qamqorlyǧynsyz qalǧan balalar bolsa, 9186-sy köpbalaly otbasylar. Al, halyqtyŋ äleumettık jaǧynan älsız toby sanatynda ¬¬- 16 957, jalǧyz tūrǧyn üiı apatty jaǧdaida dep tanylǧan 27 azamat bar. Mūnda memlekettık qyzmetşıler, biudjettık ūiym men äskeriler sany 20 620 634-tı qūrap otyr.
- Aşyqtyqty qamtamasyz etu maqsatynda respublikalyq bıryŋǧai elektrondy derekqordyŋ kömegımen 1991 azamat tūrǧyn üi alu tızımınen şyǧarylǧan. Olardyŋ ışınde ielıgınde tūrǧyn üi tırkelgen, basqa eldı-mekenge qonys audarǧan, sanatyn joǧaltqan jäne qaitys bolǧan azamattar bar. Sondai-aq, 2021 jyly 976 otbasyn arendalyq pätermen qamtu josparlanyp, jyl soŋynda onyŋ 812-sı baspanaly boldy. Onyŋ ışınde jetım balalarǧa – 60, köpbalaly otbasylarǧa – 240, halyqtyŋ äleumettık jaǧynan älsız tobyna – 212, jūmys ısteitın jastarǧa – 300 päterdıŋ kıltı tabystaldy. Al, qalǧan 164 päter «Qūrylysy aiaqtalǧan köpqabatty tūrǧyn üilerdı Şymkent qalasynyŋ kommunaldyq menşıgıne qabyldau turaly» Şymkent qalasy äkımdıgınıŋ qaulysyna säikes berılmek. Qauly negızınde Şymkent qalasy qūrylys basqarmasy tarapynan Nūrsät tūrǧyn üi alabynda ornalasqan üilerdıŋ qabyldau-ötkızu aktılerı äzırlenıp, memlekettık tırkeu jūmystary jürgızılude. Atalǧan arendalyq päterler biyl paidalanuǧa berıledı, -deidı Ǧalymjan Ämırbekūly.Mamandardyŋ aituynşa, tūrǧyn üi kezegıne tırkelgen 1,2 top mügedekterı, jetım balalar men köpbalaly otbasylar, mügedek balany tärbieleuşı otbasylarǧa 2022 jyldyŋ mamyr aiynan bastap tūrǧynjaidy jaldau aqysyn subsidiialau tetıgı engızılmek.
- Biyl Qazaqstan Respublikasy Ükımetı jeke tūrǧyn üi qorynan tūrǧynjaidy jaldau aqysyn subsidiialau tetıgın ıske qospaq. Bügınde Eŋbek jäne äleumettık qorǧau ministrlıgı men İndustriia jäne infraqūrylymdyq damu ministrlıgınıŋ aldyn-ala anyqtaǧan mälımetıne säikes, Şymkent qalasy boiynşa subsidiia alatyn 8841 otbasy anyqtalyp otyr,-dedı basqarma basşysy.Aita keteiık, 2022 jylǧa tūrǧyn üi sertifikattaryn beru üşın jergılıktı biudjetten 500 million teŋge qarjy qaralǧan.
