«Anuş» — memlekettık sporttyq tapsyrystyŋ aiasynda jan basyna qarjylandyru jüiesı boiynşa jūmys ısteitın Şymkenttegı eŋ ülken sport keşenı. «Nūrsät» şaǧynaudanynda ornalasqan būl keşende sporttyŋ 5 türı, atap aitqanda, karate, taekvondo, dziudo, boks jäne erkın küres boiynşa 1 200 bala jattyǧady.
—Qazır adamdar sportpen ainalysu balanyŋ densaulyǧyna da, tärbiesıne de paidaly ekenın jaqsy tüsınedı. Kündelıktı sport zalǧa keletın jetkınşekter türlı jaman ädetterden aulaq bolyp, erık-jıgerı men tabandylyǧyn şyŋdaidy. Bolaşaqta mūndai balalar qiyndyqqa tözımdı, tek qana alǧa ūmtylatyn azamat bolyp ösedı. Sol sebeptı ata-analardyŋ da, balalardyŋ da yqylasy küştı. Bızde olardyŋ alaŋsyz ärı qauıpsız jattyǧuyna barlyq jaǧdai jasalǧan, — deidı «Anuş» JŞS-nıŋ direktory Erjan Besterekov.Şymkent qalasy äkımınıŋ orynbasary Mūqsūt İsahovtyŋ aituynşa, memlekettık sporttyq tapsyrystyŋ aiasynda jūmys ısteu üşın 109 käsıpkerden ötınım tüsken. Talapqa sai kelgen 67 käsıpkerdıŋ ötınımı maqūldanǧan. Olar 137 sport keşenınde balalardy sporttyŋ 16 türı boiynşa jattyqtyryp jatyr. Taǧy 12 ötınım qaralyp jatsa, talapqa sai kelmegen 30 ötınım kerı qaitarylǧan.
—Biyl 14 myŋ balaǧa biudjetten 2 milliard 323 million teŋgeden astam qarjy bölındı. Ata-analardan 15 281 ötınış tüsse, sonyŋ 13 700-ımen kelısımşart jasalǧan. Osy baǧyt boiynşa Şymkent respublikada bırınşı orynda tūr. Būl — baǧdarlamanyŋ artyqşylyǧy ata-analar balasyn qai seksiiaǧa, qai sport türıne beretının özı şeşedı, — deidı qala äkımınıŋ orynbasary.Balalar tek jekpe-jek türlerıne ǧana emes, özge sporttarǧa da qyzyǧady. Mäselen, «Basket Kids» serıktestıgıne qarasty h4 sport keşenınde 500 bala basketbolmen, 220 bala voleibolmen ainalysady. Al, «Madeira Merei» sport keşenınde 384 jasöspırım jüzumen ainalysyp jatyr. Käsıpkerler memlekettık sporttyq tapsyrystyŋ aiasynda jan basyna qarjylandyru jüiesı boiynşa jūmys ısteudıŋ tiımdı ekenın tüsınıp, osy baǧytqa bet būruda. Mäselen, Abai daŋǧylynyŋ boiyndaǧy būrynǧy «Yrys» toihanasy sport keşenı bolyp qaita jasaqtalǧan. Al, «Tūran GHA» jäne «Otyrar» sport kluby» kompaniialary jaŋa, ülken ärı zamanaui sport keşenderın salyp jatyr. Aita keteiık, eger balaŋyzdy tegın öner üiırmesı nemese sport seksiiasyna jazdyrǧyŋyz kelse, www.artsport.edu.kz portaly arqyly ötınış beruıŋızge bolady.
