Biyl «Jastar praktikasy» men «Alǧaşqy jūmys orny» jobasynyŋ merzımı özgerıp, tölenetın eŋbekaqysy köterıldı. Mūndai şaralar memleket basşysy Q.Toqaevtyŋ tapsyrmasyna saikes, jastar arasynda jūmyssyzdyq dengeiın tömendetu üşın qabyldanǧan.
Būl turaly jūmyspen qamtu jäne äleumettık qorǧau basqarmasynyŋ basşysy Balmarjan Narbekova qala äkımdıgınıŋ «Instagram» paraqşasyndaǧy tıkelei efirde baiandady.
«Jastar praktikasy» baǧdarlamasynyŋ merzımı 12 aiǧa ūzaryp, eŋbekaqysy 91 890 (30 AEK) teŋge, al «Alǧaşqy jūmys orny» jobasynyŋ merzımı 18 ai, tölenetın eŋbekaqysy 30 ailyq körsetkışke östı.
Biyl QR Ükımetınıŋ qaulysymen «2021-2025 jyldarǧa käsıpkerlıktı damytu jönındegı Ūlttyq joba» şeŋberınde qalada 33 500 adamdy jūmyspen qamtu şaralaryna qatystyru bolsa, onyŋ ışınde 20 759 azamatty tūraqty jūmysqa ornalastyru josparlanǧan.Al, Şymkentte 2022 jylǧa 24 196 jaŋa jūmys ornyn qūru közdelıp otyr. Onyŋ 14 157 orny tūraqty, 9 679-y uaqytşa. Ūlttyq joba negızınde 10 522 jūmys orny, 13 674 oryn jeke bastamamen aşylady. Prezidenttıŋ 2022 jyldyŋ 11 qaŋtardaǧy keŋeitılgen otyrysyndaǧy bergen tapsyrmasy negızınde, biyl 18 425 jasty jūmyspen qamtu közdelıp otyr.
Ötken jyly 29 jasqa deiıngı 2 578 azamat «Jastar praktikasyna», 351 adam äleumettık jūmys oryndaryna, 3 064-ı qoǧamdyq jūmysqa, 118 jas «Alǧaşqy jūmys orny» jobasy arqyly jäne 23 421 adam bos jūmys oryndaryna ornalasqan.Efir barysynda tūrǧyndar tarapynan 60-tan asa sūraq qoiyldy. Basqarma basşysy jūmyspen qamtudyŋ baǧyttary, käsıptık oqu jäne jastarǧa arnalǧan baǧdarlama jönınde saualdarǧa jauap berdı.
