12 aqpan kúni Egindikól ishki saıasat, mádenıet, tilderdi damytý jáne sport bóliminiń uıymdastyrýymen jáne mádenıet úıiniń qatysýymen fılologııa ǵylymdarynyń kandıdaty,doent,aıtysker aqyn Serikzat Dúısenǵazymen "Serikzatpen syrlasý" rýhanı kezdesý keshi joǵary deńgeıde ótti.Aýdannyń jalyndy jastaryna jigerlendirý syılaǵan kezdesý keshi eki saǵatqa ulasty.
Egindikól aýdanyna erekshe yqylastaryn tógýge Eýrazııa ulttyq ýnıverıtetiniń ustazy ózimen birge
«Topjarǵan» aqyndar klýbyn ala keldi.
S.Dúısenǵazy poezııa álemimen, aıtys jolyndaǵy jaqsy estelikterin qyzyqty etip baıandap berdi.
Áli oqyrmandaryna jol tartpaǵan keshe ǵana shyqqan jańa kitabyn aýdan jurtshylyǵyna syıǵa tartty.
Jigerlendirýge toly bolǵan rýhanı keshtiń kórermenderine áseri óte jaqsy boldy. Shákirtteri aıtys ónerin jasap,án aıtyp poezııa álemine syr shertti.
Iaǵnı atap aıtar bolsaq, Respbýlıkalyq aıtystardyń bas júldegeri Abzal Maqash pen aıtysker qyz Saǵynysh Smet tamasha aıtys ónerin kórsetti. Erekshe daýys ıesi Armanbek Jakeıhanuly qazaqtyń dástúrin jalǵap júrekti terbep ásem ánimen kórermender kózaıymyna aınaldy.
Kórkemsóz sheberi,jas aqyn qyz Aıajan Qojataı óz shyǵarmashylyǵynan óleń tartý etti.Qazaq ónerine tiline jany ashıtyn azamat ulttyq qasıetimizdiń joǵalmaý kerektigin ashyp aıtty.
Jastarmen tikeleı suqbat jasap, kókeıdegi suraqtarǵa tolyqqandy jaýap berdi. Aýdannyń atynan jol bastaǵan "Til mádenıeti" jas aqyndar klýbyna aq batasyn berip, sáttilik tiledi.
Aýdannyń atynan óner kórsetken Amangeldi Raıhan, Altyngúl Murat, Amanjol Suraǵanov, Káýsar Qaıratova, Indıra Serikbol, Janbolat Jánibek, Berjan Qýanǵan aqynnyń kóńiline jylý syılady.
Kesh sońynda qorytyndylap ishki saıasat mádenıet, tilderdi damytý jáne sport bóliminiń basshysy Almas Asqaruly alǵysyn bildirip, aıtysker aqynǵa shapan japty. El alǵysyna bólengen rýhanı keshtiń jalǵasy tabaryna senim bildiremiz.
”Adyrna” ulttyq portaly
