Almaty äkımı Erbolat Dosaevtyŋ ökımımen Prezident Äkımşılıgınıŋ kelısımı boiynşa Almaty qalasy äkımınıŋ orynbasary bolyp Äsem Bekqyzy Nüsıpova taǧaiyndaldy, dep habarlaidy “Adyrna” ūlttyq portaly Aikyn.kz basylymyna sılteme jasap.
Äsem Nüsıpova 1975 jyly 1 mamyrda Almaty qalasynda tuǧan. Äl-Farabi atyndaǧy Qazaq memlekettık universitetınıŋ tülegı, «Ekonomika jäne menedjment» mamandyǧy boiynşa magistratura men aspiranturany bıtırgen. Eŋbek jolyn 1999 jyly äl-Farabi atyndaǧy Qazaq memlekettık universitetınde assistent qyzmetınen bastaǧan. 2001 jyly Qazaqstan Respublikasy Qauıpsızdık Keŋesınıŋ ekonomikalyq qauıpsızdık mäselelerı jönındegı bölımınıŋ bas sarapşysy bolyp taǧaiyndaldy. 2002-2003 jyldar aralyǧynda Qazaqstan Respublikasy Prezidentı Äkımşılıgınıŋ jüielı zertteuler Ortalyǧy sektorynyŋ meŋgeruşısı qyzmetın atqardy. 2003-2005 jyldary – Qazaqstan Respublikasy Qarjy ministrınıŋ keŋesşısı, EurAzEQ hatşylyǧy janyndaǧy Bıryŋǧai ekonomikalyq keŋıstıktı qalyptastyru jönındegı ūiymdastyru-saraptama tobynyŋ (qosa atqaruşy boiynşa) keŋesşısı. Sondai-aq 2005 jyly Premer-ministrdıŋ keŋesşısı, Premer-ministr keŋesşılerı tobynyŋ jetekşısı boldy. 2006 jyly – Qazaqstan Respublikasy Premer-ministrı keŋsesınıŋ Jiyntyq taldau bölımınıŋ meŋgeruşısı. 2007 jyldan 2008 jylǧa deiıngı kezeŋde Qazaqstan Respublikasynyŋ Densaulyq saqtau vise-ministrı, keiın 2016 jylǧa deiın «QazTransOil» AQ Bas direktorynyŋ ekonomika jäne qarjy jönındegı orynbasary qyzmetın atqardy. 2016-2019 jyldar aralyǧynda Äsem Nüsıpova Şyǧys Qazaqstan oblysy äkımınıŋ orynbasary boldy.2020 jyly Qazaqstan Respublikasy Densaulyq saqtau ministrlıgınıŋ Jauapty hatşysy, sodan keiın Densaulyq saqtau vise-ministrı (2020 jylǧy qazannan 2022 jylǧy aqpanǧa deiın) boldy.
“Adyrna” ūlttyq portaly
