Qazaqstan Prezidentı Qasym-Jomart Toqaev Nūrsūltan Nazarbaevtyŋ qyzmetıne ädıl baǧa beru kerek ekenın aitty, - dep habarlaidy “Adyrna” ūlttyq portaly.
"Mäselege jan-jaqty qaraityn bolsaq, halyq narazylyǧynyŋ astarynda ötkır äleumettık mäsele jatyr. Halyqtyŋ köbınıŋ äleumettık jaǧdaiy tömen. Būl – aqiqat. Memlekettıŋ tūtas bailyǧy az ǧana toptyŋ qolynda. Teŋsızdık beleŋ aluda. Narazylyqtyŋ tüp-tamyry osydan bastaldy. Būl mäsele turaly men Parlamentte, basqa da jiyndarda aittym. Ökınıştısı, azamattardyŋ narazylyǧyn laŋkester men qylmyskerler paidalanyp kettı. Būǧan bärımız kuä boldyq. Rasynda, äleumettık jelıde Tūŋǧyş Prezidentımız turaly ärtürlı oilar aitylyp, jazylyp jatyr. Qanşa adam bolsa, sonşa pıkır bolady", - dedı Toqaev telearnaǧa bergen sūhbatynda.Toqaev eks prezident Nūrsūltan Äbışūly Nazarbaevtyŋ 30 jyl boiy el basqaryp, sıŋırgen eŋbegın joqqa şyǧaruǧa bolmaidy dep oilaitynyn aitty.
"Tarihqa qiianat jasamau kerek. Nūrsūltan Nazarbaev – memleketımızdıŋ ırgesın qalaǧan, memlekettıgımızdı nyǧaituǧa zor üles qosqan tūlǧa. Onyŋ qyzmetıne ädıl baǧa beruge mındettımız. Tūŋǧyş Prezidenttıŋ kemşılıkterı bolsa, odan jas basşylar sabaq aluy qajet. Qaŋtar oqiǧasy elımızge de, menıŋ özıme de ülken sabaq bolǧany sözsız. Tiıstı qorytyndy jasaldy. Qazır elımızde bolyp jatqan saiasi şeşımder − sonyŋ nätijesı. Aldymyzda öte köp jūmys bar. Mūny barlyǧy körıp, bılıp otyr dep oilaimyn", - dedı Prezident.
“Adyrna” ūlttyq portaly
