Qazaqstan Prezıdenti Qasym-Jomart Toqaev Nursultan Nazarbaevtyń qyzmetine ádil baǵa berý kerek ekenin aıtty, - dep habarlaıdy “Adyrna” ulttyq portaly.
"Máselege jan-jaqty qaraıtyn bolsaq, halyq narazylyǵynyń astarynda ótkir áleýmettik másele jatyr. Halyqtyń kóbiniń áleýmettik jaǵdaıy tómen. Bul – aqıqat. Memlekettiń tutas baılyǵy az ǵana toptyń qolynda. Teńsizdik beleń alýda. Narazylyqtyń túp-tamyry osydan bastaldy. Bul másele týraly men Parlamentte, basqa da jıyndarda aıttym.
Ókinishtisi, azamattardyń narazylyǵyn lańkester men qylmyskerler paıdalanyp ketti. Buǵan bárimiz kýá boldyq. Rasynda, áleýmettik jelide Tuńǵysh Prezıdentimiz týraly ártúrli oılar aıtylyp, jazylyp jatyr. Qansha adam bolsa, sonsha pikir bolady", - dedi Toqaev telearnaǵa bergen suhbatynda.
Toqaev eks prezıdent Nursultan Ábishuly Nazarbaevtyń 30 jyl boıy el basqaryp, sińirgen eńbegin joqqa shyǵarýǵa bolmaıdy dep oılaıtynyn aıtty.
"Tarıhqa qııanat jasamaý kerek. Nursultan Nazarbaev – memleketimizdiń irgesin qalaǵan, memlekettigimizdi nyǵaıtýǵa zor úles qosqan tulǵa. Onyń qyzmetine ádil baǵa berýge mindettimiz. Tuńǵysh Prezıdenttiń kemshilikteri bolsa, odan jas basshylar sabaq alýy qajet. Qańtar oqıǵasy elimizge de, meniń ózime de úlken sabaq bolǵany sózsiz. Tıisti qorytyndy jasaldy. Qazir elimizde bolyp jatqan saıası sheshimder − sonyń nátıjesi. Aldymyzda óte kóp jumys bar. Muny barlyǵy kórip, bilip otyr dep oılaımyn", - dedi Prezıdent.
“Adyrna” ulttyq portaly
